Grievance Redressal Camp گاندربل میں شکایات ازالہ کیمپ کا انعقاد

ڈپٹی کمشنر (ڈی سی) گاندربل نے کہا کہ ضلع انتظامیہ حقیقی مسائل کے بروقت ازالے کو یقینی بنا رہی ہے اور ہر سطح پر شفافیت اور احتساب کو یقینی بنانے کے لیے ایک مناسب طریقہ کار اختیار کیا گیا ہے اور یقین دلایا کہ اٹھائے گئے تمام مسائل کا بروقت ازالہ کیا جائے گا۔ Grievance Redressal camp at Kangan

گاندربل: ڈپٹی کمشنر (ڈی سی) گاندربل شیامبیر نے آج ہفتہ وار بلاک دیوس پروگرام کے تحت بلاک کنگن کے لیے گورنمنٹ ڈگری کالج کنگن میں شکایات کے ازالہ کے لئے ایک کیمپ کا انعقاد کیا۔ کیمپ میں ڈی ڈی سی ممبر بلاک کنگن، بی ڈی سی چیئرپرسن کنگن، سرپنچوں، پنچوں اور بلاک کنگن کے مقامی لوگوں نے شرکت کی، جنہوں نے ڈی سی کو اپنے علاقوں سے متعلق مختلف مسائل سے آگاہ کرایا اور مسائل کے فوری طور پر ازالہ کی خواہش طاہر کی۔ اس موقع پر مقامی لوگوں اور پی آر آئی ممبران نے پانی اور بجلی کے انفراسٹرکچر کی اپ گریڈیشن، چھترگل میں کمیونٹی ہال، پوشکر میں ہیلتھ سنٹر، اکہال پل کی بروقت تکمیل، پرینگ سے گنیوان تک سڑک کی تعمیر، پی ایچ سی میں عملے کی کمی جیسے مختلف مسائل اٹھائے۔ ڈی سی گاندربل نے عوام کی جانب سے اٹھائے گئے تمام مسائل اور شکایات کو غور سے سنا اور مسائل کے بروقت ازالہ کی یقین دہانی کرائی۔ Grievance Redressal camp at Kangan

اس موقع پر خطاب کرتے ہوئے ڈی سی نے کہا کہ ضلع انتظامیہ حقیقی مطالبات کے بروقت ازالے کو یقینی بنا رہی ہے اور ہر سطح پر شفافیت اور احتساب کو یقینی بنانے کے لیے ایک مناسب طریقہ کار کو اختیار کیا گیا ہے اور یقین دلایا کہ اٹھائے گئے تمام مسائل کا بروقت ازالہ کیا جائے گا۔ کنگن مارکیٹ میں صفائی ستھرائی کے مسئلے کا جواب دیتے ہوئے انہوں نے کہا کہ ضلع انتظامیہ نے کنگن مارکیٹ سمیت دیہی علاقوں میں صفائی ستھرائی کے لیے ایک مناسب منصوبہ بنایا ہے اور مقامی لوگوں سے کچرے سے پاک رکھنے کے لیے تعاون طلب کیا ہے۔ دریں اثنا بلاک دیوس کی کارروائی کے دوران ایل ڈی ایم گاندربل نے ڈیجیٹل بینکنگ خدمات کے بارے میں بریفنگ دی اور لوگوں کو ڈیجیٹل فراڈ سے آگاہ کیا۔ اسی طرح ڈسٹرکٹ اینیمل ہسبنڈری آفیسر نے بھی مویشیوں میں جلد کی گانٹھ کی بیماری کے حوالے سے لوگوں کو آگاہی دی اور شرکاء کو اس کی علامات، احتیاطی تدابیر اور اس بیماری سے بچاؤ کے اقدامات سے آگاہ کیا۔ اس موقع پر دیگر افسران کے علاوہ ایڈیشنل ڈسٹرکٹ ڈیولپمنٹ کمشنر مشتاق احمد سمنانی، سی پی او عرفان احمد گیری، ایس ڈی ایم کنگن، جاوید احمد راتھر، سی ایم او، تحصیلدار کنگن اور دیگر ضلعی اور سیکٹرل افسران نے بلاک دیوس میں شرکت کی۔