حکومت زرعی قوانین سے متعلق کسی بھی شبہہ کو دور کرنے کے لیے تیار ہے: راج ناتھ

راجناتھ سنگھ نے کہا کہ 'میں بھی ایک کسان کا بیٹا ہوں اور میں نے بھی کھیتی باڑی کی ہے اور میں سمجھ سکتا ہوں کہ کسانوں کے مسائل کیا ہیں'۔

وزیر دفاع راج ناتھ سنگھ نے ملک کے کسانوں کو زرعی قوانین کو پوری طرح سے سمجھنے کی گزارش کرتے ہوئے کہا ہے کہ اگر اس سلسلے میں کوئی شک ہے تو مرکزی حکومت اسے حل کرنے اور اس پر بات چیت کے لیے تیار ہے۔

سنگھ نے یہاں ہریانہ اناپورنا اتسو کو دہلی سے ورچوئلی خطاب کرتے ہوئے یہ بات کہی۔ انہوں نے کسانوں سے زرعی قوانین کو سمجھنے کی درخواست کرتے ہوئے کہا، "میں نے ان قوانین کو پڑھا ہے اور ان میں ایسا کچھ نہیں ہے جو کسان کے مفاد میں نہ ہو۔ انہوں نے کہا کہ میں بھی ایک کسان کا بیٹا ہوں اور میں نے بھی کھیتی باڑی کی ہے اور میں سمجھ سکتا ہوں کہ کسانوں کے مسائل کیا ہیں۔

انہوں نے کہا کہ پرانی پالیسیوں کی وجہ سے زراعت نقصان کا سودا بن رہی تھی اور جب کسان اپنی فصل بیچتا تھا تو پتہ چلتا تھا کہ اس کی تو لاگت کی قیمت بھی پوری نہیں ہوئی ہے۔ اس بات کو مدنظر رکھتے ہوئے مرکزی حکومت نے نئے زرعی قوانین بنائے ہیں۔ "اسی لیے میں آپ سے گزارش کرتا ہوں کہ ان قوانین کو سمجھیں۔ اگر کسی بھی قسم کے کسی کو ان قوانین میں کوئی شک نظر آتا ہے تو حکومت اسے حل کرنے اور اس پر بات چیت کے یلے ہمیشہ تیار ہے‘‘۔

یو این آئی