funeral ceremony of kalyan singh: کلیان سنگھ کی آخری رسومات آج ادا کی جائی گی

یوپی کے سابق وزیراعلیٰ اور راجستھان کے سابق گورنر کلیان سنگھ کی آخری رسومات آج ضلع بلندشہر کے نارورا میں گنگا کے کنارے بنسی گھاٹ پر ادا کی جائے گی۔ مرکزی وزیر دفاع راج ناتھ سنگھ اور مرکزی وزیر داخلہ امت شاہ بھی آخری رسومات کے وقت نارورا کے رام گھاٹ پہنچیں گے۔

اترپردیش کے سابق وزیراعلیٰ کلیان سنگھ کی آخری رسومات آج ضلع بلندشہر کے نارورا میں واقع گنگا کے کنارے بنسی گھاٹ پر ادا کی جائے گی۔

یوپی کے وزیر اعلیٰ آدتیہ ناتھ یوگی، مرکزی وزیرداخلہ امت شاہ، مرکزی وزیر دفاع راج ناتھ سنگھ، اتراکھنڈ کے وزیر اعلیٰ پشکر سنگھ دھامی،مدھیہ پردیش کے وزیر اعلیٰ شیوراج چوہان اور مرکزی اور ریاستی حکومت کے متعدد وزراء ،ارکان پارلیمنٹ اور ایم ایل اے کے آج آخری رسومات میں شرکت کی توقع ہے۔

اترولی سے کلیان سنگھ کے جسد خاکی کو آخری جھلک کے لیے بلندشہر کے نارورا میں واقع چائلڈ پارک میں رکھا جائے گا۔ مقامی اور باہر سے آنے والے لوگ یہاں خراج عقیدت پیش کر سکیں گے۔ اس کے بعد بنسی گھاٹ پر آخری رسومات ادا کی جائے گی ہے۔

گزشتہ روز وزیر اعظم نے لکھنؤ میں اتر پردیش کے سابق وزیر اعلیٰ کلیان سنگھ کی رہائش گاہ پر پہنچ کر انہیں خراج عقیدت پیش کیا تھا۔

واضح رہے کہ اترپردیش کے سابق وزیراعلیٰ و بی جے پی کے سینیئر رہنما کلیان سنگھ کا سنیچر کی رات کو انتقال ہوگیا تھا۔ وہ ایک لمبے عرصہ سے مختلف بیماریوں میں مبتلا تھے۔

اترپردیش کے سابق وزیراعلیٰ اور سینیئر بی جے پی رہنما کلیان سنگھ کے انتقال کے بعد وزیراعلیٰ یوگی آدتیہ ناتھ نے ریاست میں تین دن سوگ اور دوشنبہ کو عوامی تعطیل کا اعلان کیا۔ وہیں بی جے پی نے اپنے تمام پروگرام اگلے تین دن تک ملتوی کر دیے ہیں۔

کلیان سنگھ جون 1991 سے دسمبر 1992 اور ستمبر 1997 سے نومبر 1999 تک بھارت کی سب سے زیادہ آبادی والی ریاست اتر پردیش کے دو مرتبہ وزیراعلیٰ رہے۔

ان کی پہلی مدت 26 دسمبر 1992 کو ایودھیا میں بابری مسجد کے انہدام کے لیے بھی یاد کی جاتی ہے۔ وہ 2014 سے 2019 کے درمیان راجستھان کے گورنر بھی رہے۔