جرمنی میں چاقو سے حملے میں چار افراد زخمی

جرمنی کے اوبیرہاسین میں ایک حملہ آور نے چار افراد کو چاقو گھونپ کر زخمی کر دیا۔

مقامی میڈیا کی رپورٹ کے مطابق جمعرات کو ایک نامعلوم شخص نے لوگوں پر چاقو سے حملہ کر دیا جس کے نتیجے میں چار افراد زخمی ہو گئے۔

زخمیوں کو ہسپتال میں داخل کروایا گیا ہے، ان میں ایک کی حالت نازک بتائی گئی ہے۔

جرمنی میں چاقو سے حملے میں چار افراد زخمی

پولیس کے ترجمان نے میڈیا کو بتایا کہ شدت پسندی سے اس واقعہ کی وابستگی کے کوئی ثبوت نہیں۔

انہوں نے کہا کہ حملے کی حقیقی وجوہات ہنوز نامعلوم ہیں لیکن اس کی وجہ خاندانی تنازعہ ممکن ہے۔

واضح رہے کہ چھ نومبر کو جرمن پولیس نے ایسے چار افراد کے گھروں اور دفاتر پر چھاپے مارے تھے جن پر انہیں شبہ تھا کیوںکہ یہ رواں ہفتے ویانا میں ہونے والے شدت پسندانہ حملے ميں ملوث 'داعش کے ہمدرد' ملزم کے ساتھ گہرے تعلقات رکھتے ہیں۔