بھارتی وزیر خارجہ ایس جے شنکر نے میکسیکو پہنچنے کے بعد میکسکو کے وزیر خزانہ روجیلیو رامریز ڈی لا او کا شکریہ ادا کیا اور میکسیکو کی کووڈ 19 عالمی وبا سے نمٹنے کی کوششوں پر تبادلہ خیال کیا۔
بھارتی وزیر خارجہ ایس جے شنکر میکسیکو لاطینی امریکہ کے تین روزہ دورے پر ہیں۔ جس کا مقصد تجارت اور سرمایہ کاری سمیت دیگر شعبوں میں دوطرفہ تعاون کو فروغ دینا ہے۔
وزیر خارجہ کی حیثیت سے یہ جے شنکر کا شمالی امریکہ کے ملک کا پہلا دورہ ہے۔ ان کا استقبال میکسیکو کے وزیر خزانہ روجیلیو رامریز ڈی لا او نے کیا، جس کے ساتھ انہوں نے میکسیکو کی عالمی وبائی بیماری سے نمٹنے کی کوششوں پر تبادلہ خیال کیا۔
جے شنکر نے ٹویٹ کرکے وزیر خزانہ روجیلیو رامریز ڈی لا او کا شکریہ ادا کیا ۔ کووڈ 19 عالمی وبا سے نمٹنے کے لیے میکسیکو کی کوششوں پر ان کے ساتھ تبادلہ خیال کیا گیا۔
وزیر نے ٹویٹ کیا کہ 41 سال بعد ایک بھارتی وزیر خارجہ یہاں آیا ہے۔ اقوام متحدہ کی جنرل اسمبلی کے 76 ویں اجلاس کے اختتام کے بعد جے شنکر میکسیکو کے وزیر خارجہ مارسیلو ایبارڈ کی دعوت پر براہ راست امریکہ سے پہنچے ہیں۔
ڈاکٹر جے شنکر میکسیکو کی آزادی کی 200 ویں سالگرہ کی یاد میں دیگر عالمی رہنماؤں کے ساتھ یہاں شرکت کریں گے اور میکسیکو کے ممتاز سی ای اوز اور کاروباری برادری سے بھی بات چیت کریں گے۔ اس کے ساتھ وہ میکسیکو کے صدر مینوئل لوپیز اوبراڈور سے بھی ملاقات کریں گے۔
اس وقت میکسیکو لاطینی امریکہ میں بھارت کا دوسرا سب سے بڑا تجارتی شراکت دار ہے اور 2021-22 کی مدت کے لیے بھارت کے ساتھ اقوام متحدہ کی سلامتی کونسل (UNSC) کا غیر مستقل رکن ہے۔
