زرعی قوانین کے خلاف جاری کسانوں کی تحریک کے مابین کسانوں نے آج پنجاب کے سابق وزیر اور بھارتیہ جنتا پارٹی (بی جے پی) کے سینیئر رہنما تیکشن سود کی رہائشگاہ کے باہر گوبر سے بھری ٹرالی خالی کر دی۔ کسان تیکشن سود کے اس حالیہ بیان کی مخالفت کر رہے تھے جس میں انہوں نے مبینہ طور پر کہا تھا کہ' دہلی کی سرحدوں پر کسان پکنک منانے جا رہے ہیں'۔
بی جے پی رہنما کے گھر کے باہرخالی کر دی گوبر سے بھری ٹرالی
واقعہ کے وقت تیکشن سود گھر میں موجود تھے اور آوازیں سن کر باہر آ گئے۔ ان کے ساتھ ان کے کچھ حامی اور بی جے پی کے کارکن بھی تھے جنہوں نے کسانوں کے خلاف نعرے بازی شروع کر دی۔ اس درمیان پولیس افسر رویندر سنگھ سندھو پولیس فورس کے ساتھ موقع پر پہنچے، پولیس کو دیکھ کر مظاہرین منتشر ہو گئے۔