قومی شاہراہ پروجیکٹوں کی ڈرون سے نگرانی ضروری

حکومت نے قومی شاہراہوں کے کام کے معیار کو بڑھانے اور کام میں یکسانیت اور شفافیت لانے کے لیے جدید ٹکنالوجی کے ذریعہ سڑکوں کی تعمیر، آپریشن اور دیکھ بھال سے متعلق منصوبوں کی ماہانہ بنیاد پر ڈرون سے ویڈیو ریکارڈنگ کو لازمی کردیا ہے۔

روڈ ٹرانسپورٹ اور شاہراہ کی وزارت نے بدھ کو بتایا کہ قومی شاہراہوں سے منسلک پروجیکٹوں کی ہر مہینہ ٹھیکیدار، نگراں کنسلٹنٹ کے ٹیم سربراہ کی موجودگی میں ڈرون سے ویڈیو کی ریکارڈنگ ہوگی۔ بعد میں اس ویڈیو کو قومی شاہراہ اتھارٹی۔این ایچ اے آئی پہلے مہینہ کے تقابلی منصوبہ ویڈیو کو اپنے پورٹل ’ڈیٹا لیک‘ پر اپ لوڈ کرے گی۔

وزارت نے بتایا کہ اس کے بعد نگراں کنسلٹنٹ ان ویڈیو کا جائزہ لیکر پروجیکٹ کے کام سے منسلک مختلف فریقین کو اس میں شامل کرتے ہوئے ڈیجیٹل ماہانہ پیش رفت رپورٹ پر اپنا تبصرہ دیں گے اور این ایچ اے آئی پروجیکٹوں کے فزیکل انسپکشن کے دوران بے ضابطگیوں کی بھی جانچ کریں گے۔

این ایچ اے آئی ان تمام ڈیولپ پروجیکٹوں میں بھی ماہانہ ڈرون سروے کرے گا جن کا اتھاڑتی خود آپریشن اور دیکھ بھال کررہی ہے۔