Defence Ministry On Agniveers ریٹائرمنٹ کے بعد اگنی ویروں کو روزگار دینے پر بات چیت

وزارت دفاع نے آج بڑی اور سرکردہ کمپنیوں کے ساتھ اگنی پتھ اسکیم کے تحت بھرتی کیے گئے اگنی ویروں کو تینوں خدمات میں ان کی ریٹائرمنٹ کے بعد دوبارہ روزگار دینے کے امکانات کے بارے میں تبادلہ خیال کیا۔ سکریٹری دفاع نے کہا کہ کمپنیاں قوم کے تئیں وقف اور نظم و ضبط رکھنے والے نوجوانوں کو روزگار دینے پر غور کریں کیونکہ مسلح افواج میں خدمات انجام دیتے ہوئے اگنی ویروں کو اعلیٰ سطح کی مہارت اور تربیت دی جائے گی۔ Defence Ministry Discusses On Agniveers

نئی دہلی: وزارت دفاع نے آج بڑی اور سرکردہ کمپنیوں کے ساتھ اگنی پتھ اسکیم کے تحت بھرتی کئے گئے اگنی ویروں کو تینوں خدمات میں ان کی ریٹائرمنٹ کے بعد دوبارہ روزگار دینے کے امکانات کے بارے میں تبادلہ خیال کیا۔ سوسائٹی آف انڈیا ڈیفنس مینوفیکچررز کے زیراہتمام جمعرات کو انٹرایکٹیو سیشن کی صدارت دفاع کے سیکرٹری گردھر ارمانے نے کی اور اس میں ایل اینڈ ٹی، اڈانی ڈیفنس لمیٹڈ، ٹاٹا ایڈوانسڈ سسٹمز لمیٹڈ، اشوک لی لینڈ سمیت بڑی ہندوستانی دفاعی صنعتوں کے سینئر حکام نے شرکت کی۔Defence Ministry Discusses On Agniveers

سکریٹری دفاع نے کہا کہ کمپنیاں قوم کے تئیں وقف اور نظم و ضبط رکھنے والے نوجوانوں کو روزگار دینے پر غور کریں کیونکہ مسلح افواج میں خدمات انجام دیتے ہوئے اگنی ویروں کو اعلیٰ سطح کی مہارت اور تربیت دی جائے گی۔ ان نوجوانوں کی صورت میں انڈسٹری کو اعلیٰ پیشہ ور افرادی قوت مل سکتی ہے۔

کمپنیوں کے سینئر حکام نے اس کوشش میں اپنی مسلسل حمایت اور عزم کا اظہار کیا اور اگنی ویروں کے پہلے بیچ کو روزگار دینے کے لیے اپنی خواہش کا اظہار کیا۔ انہوں نے یقین دلایا کہ ہنر مندی کی بنیاد پر اگنی ویروں کے ریزرویشن کے لیے بھرتی کی پالیسیوں میں مناسب انتظامات کیے جائیں گے۔ بات چیت کے دوران اگنی ویروں کے سیکھے ہوئے ہنر کو انڈسٹری کی ضروریات سے جوڑنے کے حوالے سے کچھ تجاویز پر بھی تبادلہ خیال کیا گیا۔ اس کی تعریف کرتے ہوئے سکریٹری دفاع نے دفاعی صنعت کاروں سے درخواست کی کہ وہ اس سلسلے میں کارپوریٹ بھرتی کے منصوبوں میں جلد از جلد پالیسی کا اعلان کریں۔

یواین آئی