سشانت سنگھ خودکشی معاملے میں مہاراشٹر حکومت کو بدنام کرنے کی سازش: نواب ملک

نیشنلسٹ کانگریس پارٹی (این سی پی) کے قومی ترجمان اور اقلیتی امور کے وزیر نواب ملک نے پیر کو سشانت سنگھ خودکشی کیس میں الزام لگایا کہ بھارتیہ جنتا پارٹی نے بہار میں اس وقت کے اسمبلی انتخابات سے فائدہ اٹھانے کے لیے مہاراشٹرحکومت کو اس معاملے میں بدنام کرنے کی سازش رچی تھی۔

نواب ملک نے آج یہاں جاری ایک پریس ریلیز میں بتایا کہ سشانت سنگھ راجپوت کی خود کشی کو ایک سال گزر گیا ہے۔ ممبئی پولیس سشانت سنگھ کی خودکشی کے معاملے کی تحقیقات کررہی تھی، بہار حکومت نے سیاسی وجوہات کی بناء پر ایک مقدمہ درج کرکے سی بی آئی کے حوالے کردیا تھا۔ مسٹر ملک نے جانچ پر سوالات اٹھائے۔

مہاراشٹرا کے وزیر اقلیتی امور نواب ملک

انہوں نے بتایا کہ ایک سال گزر جانے کے بعد بھی راجپوت کی خودکشی کی تحقیقات مکمل نہیں ہوسکیں ، بلکہ سی بی آئی عوام کو بتائے کہ سشانت کو کس نے مارا؟