Congress Plenary Session Last Day رائے پور میں کانگریس کنونشن کا آخری دن، راہل گاندھی کا خطاب آج

رائے پور میں منعقد تین روزہ کانگریس کنونشن میں آج راہل گاندھی خطاب کریں گے۔ آج ہی کانگریس کے صدر ملکارجن کھڑگے اپنی تقریر کے ساتھ کنونشن کے اختتام کا اعلان کریں گے۔ سہ پہر تین بجے جورا میں ایک ریلی بھی نکالی جائے گی۔ Congress Convention in Raipur

رائے پور:ریاست چھتیس گڑھ کے دارالحکومت رائے پور میں 24 فروری سے شروع ہونے والے کانگریس کنونشن کا آج آخری دن ہے۔ آج کنونشن میں زراعت کسانوں کی فلاح و بہبود، سماجی انصاف اور بااختیار بنانے، نوجوانوں کی تعلیم اور روزگار سے متعلق تین تجاویز پر بحث کی جائے گی۔ سماجی انصاف اور بااختیار بنانے کے تحت، ذات پر مبنی مردم شماری پر توجہ دی جائے گی۔ صبح ساڑھے 9 بجے سب جمع ہوں گے۔ اس کے بعد کانگریس کے سابق صدر راہل گاندھی صبح 10:30 بجے کنونشن سے خطاب کریں گے۔ 11 بجے سے دوبارہ بحث شروع ہو گی۔ کانگریس صدر ملکارجن کھڑگے دوپہر 2 بجے اختتامی تقریر کریں گے۔ سہ پہر تین بجے جوڑا میں عوامی جلسہ ہوگا۔ جس میں کانگریس صدر ملکارجن کھڑگے، کانگریس کے سابق صدر راہل گاندھی، وزیر اعلی بھوپیش بگھیل جلسے سے خطاب کریں گے۔

ہفتہ کو کنونشن کے دوسرے دن کئی بڑی تبدیلیاں کی گئیں۔ کانگریس پارٹی میں نئے یونٹ بنائے گئے۔ جس کے تحت اب شہروں میں بوتھ کمیٹی، پنچایت کانگریس کمیٹی، وارڈ کانگریس کمیٹی، انٹرمیڈیٹ کانگریس کمیٹی یا منڈل کمیٹی، بلاک کانگریس کمیٹی، ضلع کانگریس کمیٹی اور ریاستی کانگریس کمیٹی بنائی جائے گی۔ کانگریس پارٹی کا ایک نیا روپ ہوگا۔ بلاک، ضلع اور ریاستی سطح کی ایگزیکٹو میں ہر سطح پر کانگریس کے منتخب اراکین، چاہے وہ پنچایت سمیتی کے اراکین ہو، ضلع پریشد کے اراکین ہو یا دیگر منتخب عوامی نمائندے، آٹومیٹک بلاک، ضلع کانگریس کے رکن بن جائیں گے۔

کانگریس پارٹی میں ایس سی، ایس ٹی، قبائلی، پسماندہ کے لیے 50 فیصد ریزرویشن ہوگا۔ اس میں سے 50 فیصد ریزرو اور 50 فیصد ان ریزرو ہیں، 50 فیصد خواتین ہوں گی اور 50 فیصد وہ لوگ ہوں گے جن کی عمر 50 سال سے کم ہے۔ اب کانگریس ورکنگ کمیٹی کے ارکان کی تعداد بھی 35 ہو جائے گی۔ جس میں 50 فیصد سی ڈبلیو سی ممبران ایس سی، ایس ٹی، قبائلی، اقلیتی، نوجوانوں اور خواتین کے لیے مخصوص ہوں گے۔ یکم جنوری 2025 سے پیپر ممبرشپ نہیں ہوگی۔ ممبرشپصرف آن لائن ہوگی۔ کانگریس کے فارم میں ٹرانس جینڈر کے لیے ایک کالم بھی شامل ہوگا۔ اب تک جس طرح کانگریس کے فارم میں ممبر کے والد کا نام لکھا جاتا تھا، اب اس فارم میں ممبر کی ماں اور بیوی کا نام بھی بھرنا ہوگا۔