وزیر اعظم نریندر مودی نے ایمرجنسی کے دوران بھارتی جمہوریت کی حفاظت کرنے والے ان سبھی ہم وطنوں کو یاد کرتے ہوئے کہا کہ کانگریس نے ایمرجنسی لگا کر بھارتی جمہوریت کو کچل دیا تھا۔
کانگریس نے ایمرجنسی نافذ کرکے جمہوریت کو کچل دیا تھا: مودی مودی نے جمعہ کو ٹویٹ کرتے ہوئے اپنے پیغام میں کہا 'کانگریس نے ہماری جمہوریت کو کچل دیا تھا۔ ہم ان تمام عظیم ہستیوں کو یاد کرتے ہیں، جنہوں نے ایمرجنسی کی مخالفت کی اور بھارتی جمہوریت کا تحفظ کیا۔'
انہوں نے کہا کہ 'ایمرجنسی کے تاریک ایام کو کبھی بھی فراموش نہیں کیا جاسکتا۔ سال 1975 سے 1977 تک کا عرصہ اس بات کا گواہ ہے کہ کس طرح سے اداروں کو مسمار کیا گیا۔'
ایک دیگر ٹویٹ میں انہوں نے کہا کہ 'آئیے ہم بھارت کی جمہوریت کے جذبے کو مستحکم بنانے کے لئے ہر ممکن کوشش کرنے کا عزم کریں اور ہمارے آئین میں مضمر وصف کو اپنی زندگی میں شامل کریں۔'
