جلگاؤں: تربیتی ہیلی کاپٹر حادثے کا شکار، ایک پائلٹ ہلاک

مہاراشٹر کے جلگاؤں میں ایک تربیتی ہیلی کاپٹر گر کر تباہ ہوگیا ہے۔ معلومات کے مطابق حادثے میں ایک پائلٹ کی موت ہوگئی ہے۔ جبکہ معاون پائلٹ زخمی ہیں، جنہیں علاج کے لیے ہسپتال میں داخل کیا گیا ہے۔

مہاراشٹر کے جلگاؤں میں ایک ہیلی کاپٹر گر کر تباہ ہوگیا۔ اطلاعات کے مطابق ایک تربیتی ہیلی کاپٹر حادثے کا شکار ہوگیا۔ حادثے میں ایک پائلٹ کی موت ہوگئی ہے۔ جبکہ ہیلی کاپٹر کا معاون پائلٹ زخمی ہے جنہیں علاج کے لیے ہسپتال میں داخل کیا گیا ہے۔ حادثے کی اطلاع ملتے ہی مقامی پولیس انتظامیہ جائے واردات پر پہنچ گئی ہے۔

واضح رہے کہ یہ حادثہ جلگاؤں کے چوپڑا علاقے میں وردی گاؤں کے قریب پیش آیا، جو ستپورہ پہاڑی کا ایک حصہ ہے۔

اس حادثے پر افسوس کا اظہار کرتے ہوئے مرکزی شہری ہوابازی کے وزیر جیوتی رادتیہ سندھیا نے کہا کہ' این ایم آئی ایم ایس اکیڈمی آف ایوی ایشن، مہاراشٹر کے ایک تربیتی طیارے کے حادثے کے بارے میں سن کر حیرت ہوئی، موقع پر تفتیشی ٹیم روانہ کی جارہی ہے۔'

تربیتی ہیلی کاپٹر حادثے کا شکار ہوگیا

ایک دیگر ٹویٹ میں انہوں نے لکھاکہ "بدقسمتی سے ہم نے فلائٹ ٹرینر کھو دیا ہے اور ٹرینی شدید زخمی ہے۔ سوگوار خاندان سے میری تعزیت اور ٹرینی کی جلد صحتیابی کے لیے دعا ہے۔'

معلومات کے مطابق حادثے فوراً بعد زخمیوں کو آناًفاناً اسپتال لایا گیا، جہاں ہسپتال حکام کا کہنا ہے کہ اس حادثے میں ایک پائلٹ کی موت ہوگئی ہے، جبکہ دوسرے پائلٹ کو بھی شدید چوٹیں آئیں ہیں۔ جس کا علاج جاری ہے۔'

تربیتی ہیلی کاپٹر حادثے کا شکار ہوگیا

ہیلی کاپٹر میں ایک خاتون بھی سوار تھی، لیکن ابھی یہ واضح نہیں ہوسکا ہے کہ ہیلی کاپٹر کون چلارہا تھا۔

تاہم ابھی تک حادثے کی وجوہات کا پتہ نہیں چل سکا ہے۔ یہ حادثہ سہ پہر ساڑھے تین بجے کے قریب پیش آیا۔