Girl Complained To Indore Police On Twitter: لڑکی نے ٹوئٹر کے ذریعہ پولیس سے جنسی زیادتی کی شکایت کی

اندور میں ایک نوجوان لڑکی نے پولیس میں جنسی زیادتی کی شکایت درج کرائی ہے، لڑکی نے الزام عائد کیا ہے کہ مخصوص طبقے سے تعلق رکھنے والے شخص جس کے تین بچے ہیں نے اصلیت چھپا کر اس سے محبت کا ڈرامہ کیا اور شادی کا وعدہ کرکے اس کے ساتھ جسمانی زیادتی کی۔ بعدازیں اس نے شادی سے انکار کردیا۔ Girl Complained To Indore Police On Twitter

مدھیہ پردیش کے ضلع اندور میں ایک نوجوان خاتون نے ٹویٹر کے ذریعے ایڈیشنل کمشنر سے اپنی عصمت دری کی شکایت کی اور مدد کی التجا کی۔ متاثرہ کی شکایت پر تھانہ لسوڈیہ نے مقدمہ درج کر لیا ہے۔ پولیس نے تفتیش شروع کر دی ہے۔ متاثرہ لڑکی نے الزام عائد کرتے ہوئے پولیس کو بتایا کہ مخصوص طبقے سے تعلق رکھنے والے تین بچوں کے باپ نے معلومات چھپا کر اس سے محبت کا ڈرامہ کیا۔ اس نے شادی کے بہانے اس کے ساتھ ’لیو ان ریلیشن شپ‘ میں رہ کر اس کا جسمانی استحصال کیا۔ لڑکی کو جب معلوم ہوا کہ یہ شخص شادی شدہ ہے تو اس نے شادی کے لیے دباؤ ڈالا، جس کے بعد اس نے شادی سے انکار کر دیا۔

لڑکی نے ٹویٹر کے ذریعے حکام کو اپنی روداد سنائی اور مدد مانگی۔ معاملے کا فوری نوٹس لیتے ہوئے متاثرہ کی درخواست کے ساتھ معاملہ لسوڈیہ تھانے کے حوالے کر دیا گیا۔ ایڈیشنل کمشنر نے بتایا کہ مجھے ایک ٹویٹ موصول ہوا، جس میں ایک نوجوان خاتون نے اپنے ساتھ ہونے والی زیادتیوں کی شکایت کی۔ ملزم نوجوان بھی اندور کا رہنے والا ہے۔ میں نے یہ معاملہ فوری طور پر ڈی سی پی سمپت اپادھیائے کو بھیج دیا۔ اس نے لڑکی سے رابطہ کرکے مقدمہ درج کرلیا ہے۔ اس معاملے میں تفتیش جاری ہے۔