کشمیر وادی میں اگرچہ نوجوان بری طرح سے نشے کی لت میں مبتلا ہو رہے ہیں اور نشے کی وجہ سے درجنوں نوجوان موت کے آغوش بھی جا چکے ہیں، تاہم اس معاملے کو سنجیدگی سے لیتے ہوئے بٹہ وینہ گاندربل میں کام کر رہے اسلامک یوتھ کلب نام کے ایک فورم نے آج مقامی نوجوانوں کے ساتھ مل کر گلی کوچوںاورعلاقے کی اراضی میں پھیلی ہوئی بھنگ کو تباہ کردیا۔
بٹہ وینہ گاندربل میں بھنگ کی کاشت تباہ کی گئی اس سلسلے میں اس فورم کے ذمہ داران نے کہا کہ اس علاقے میں نوجوان کافی حد تک نشے کی لت میں مبتلا ہو چکے ہیں اور ہم نے مناسب سمجھا کہ ہم خود ہی اس بھنگ کو تباہ کرکے نوجوان نسل کو اسے دور رکھیں تاکہ کسی کی زندگی بچ سکے۔ یہ بھی پڑھیں:اپنے ہنر کا لوہا منوانے والے ظہور احمد کینوئنگ چمپئین
واضح رہے کہ ان نوجوانوں نے ایک دوسرے کا ساتھ دے کر اس علاقے کی گلی اور کوچوں میں اگائے گئے بھنگ کے پودوں کو ایک جگہ جمع کرکے اسے آگ کے حوالے کر دیا۔ اس قدم کی مقامی لوگوں نے زبردست سراہنا کی ہے۔
