دہلی کے تلنگانہ بھون میں بونال تقریب، کشن ریڈی شریک

مرکزی وزیرکشن ریڈی نے تلنگانہ کے عوام کو وزیراعظم نریندرمودی اور ان کی طرف سے بونال تہوار کی مبارکباد پیش کی۔

مرکزی وزیر سیاحت جی کشن ریڈی نے کہا ہے کہ وہ مرکزی حکومت کی جانب سے شائع ہونے والے مشہور تہواروں میں تلنگانہ کے سب سے مشہور تہواروں میں سے ایک بونال کو شامل کرنے کی مساعی کریں گے۔

ریڈی جن کا تعلق حیدرآباد سے ہے، نے قومی دارالحکومت نئی دہلی میں واقع تلنگانہ بھون میں منعقدہ ریاستی سطح کے بونال تقریب میں شرکت کی۔

انہوں نے اس موقع پر میڈیا سے بات کرتے ہوئے کہا کہ تلنگانہ میں بڑے پیمانہ پر اس تہوار کو منایاجارہا ہے جس کی مثال ملک کی کسی بھی ریاست میں نہیں ملتی۔

انہوں نے تلنگانہ کے عوام کو وزیراعظم مودی اور ان کی طرف سے بونال تہوار کی مبارکباد پیش کی۔اس موقع پر تصویری نمائش بھی لگائی گئی جس کا مرکزی وزیر نے مشاہدہ کیا۔

یواین آئی