چلتی ٹرین میں چڑھنے کے دوران گرجانے والا شخص محفوظ

چلتی ٹرین میں چڑھنے کی کوشش کے دوران پلیٹ فارم پراتفاقی طورپر گرجانے والے ایک شخص کو آرپی ایف کے عہدیدار نے بچایا۔

یہ واقعہ آندھراپردیش کے وشاکھاپٹنم میں پیش آیا۔یہ ٹرین جو وشاکھاپٹنم سے تلنگانہ کے دارالحکومت حیدرآباد آرہی تھی،میں وشاکھاپٹنم کے اسٹیشن پر سوار ہونے کی اس شخص نے کوشش کی تاہم وہ اچانک ٹرین سے گرپڑا اورٹرین تیزی کے ساتھ پلیٹ فارم پر چھوڑ رہی تھی۔اسی دوران پلیٹ فارم پرڈیوٹی کرنے والے چوکس آر پی ایف کے عہدیدار نے فوری طورپر حرکت میں آکر اس مسافر کوبچایا۔پھسل کر ٹرین سے گرجانے والے اس مسافر کی شناخت سرینواس راو کے طورپرکی گئی ہے جس کو فوری طورپر بچایاگیا۔