Harpal Cheema On Bjp بی جے پی پنجاب حکومت گرانے کی کوشش کررہی ہے، 10 اراکین اسمبلی سے رابطہ کیا، چیما

پارٹی ہیڈکوارٹر میں ایک پریس کانفرنس سے خطاب کرتے ہوئے پنجاب کے وزیر خزانہ ہرپال سنگھ چیما نے کہا کہ آپریشن لوٹس کے ایک حصے کے طور پر دہلی اور پنجاب کے کئی بی جے پی لیڈران اور ایجنٹوں نے گزشتہ سات دنوں میں کم از کم 10 عام آدمی پارٹی کےاراکین اسمبلی سے فون پر رابطہ کیا ہے اور پارٹی چھوڑ کربی جے پی میں شامل ہونے کے لیے 25 کروڑ روپے کی ہر ایک کو پیشکش کی ہے۔Harpal Cheema On Bjp

چنڈی گڑھ: پنجاب کے وزیر خزانہ ہرپال سنگھ چیما نے بی جے پی پر پنجاب حکومت کو گرانے کا الزام لگاتے ہوئے کہا کہ بی جے پی نے 'آپریشن لوٹس' کے تحت ان کے 10 اراکین اسمبلی سے رابطہ کیا ہے۔ پارٹی ہیڈکوارٹر میں ایک پریس کانفرنس سے خطاب کرتے ہوئے چیما نے کہا کہ 'آپریشن لوٹس' کے ایک حصے کے طور پر دہلی اور پنجاب کے کئی بی جے پی لیڈران اور ایجنٹوں نے گزشتہ سات دنوں میں کم از کم 10 عام آدمی پارٹی کےاراکین اسمبلی سے فون پر رابطہ کیا ہے اور پارٹی چھوڑ کربی جے پی میں شامل ہونے کے لیے 25 کروڑ روپے کی ہر ایک کو پیشکش کی ہے۔ انہوں نے کہا کہ وہ 'بابو جی' (بی جے پی کے ایک اعلی رہنما) کے ساتھ اے اے پی کے ممبران اسمبلی کی میٹنگ کا اہتمام کرنے کی پیشکش کر رہے ہیں اور ریاست میں بی جے پی کی حکومت بننے کے بعد انہیں کابینہ وزیر کے عہدے کا وعدہ بھی کیا ہے۔Harpal Cheema On Bjp

مودی حکومت پر طنز کرتے ہوئے چیما نے کہا کہ بی جے پی پنجاب میں ایک 'سیریل کلر' کی طرح کام کر رہی ہے اور پنجاب میں عام آدمی پارٹی حکومت کا تختہ الٹنے کے لیے ملک دشمن طاقتیں شامل ہو گئی ہیں کیونکہ ان کی سربراہی وزیر اعلی بھگونت مان کی قیادت والی حکومت کے متحرک کام کاج کو ہضم نہیں کرپارہی ہیں۔

انہوں نے کہا کہ دہلی میں عام آدمی پارٹی کے لیڈروں کے خلاف مرکزی تفتیشی ایجنسیوں کا استعمال کرنے اور دہلی میں ایم ایل اے کو پیسے دینے کے بعد بی جے پی اب پنجاب میں ایم ایل اے کو خریدنے کی کوشش کر رہی ہے۔ بی جے پی ایک سیریل کلر ہے جو ایجنسیوں اور پیسوں سے اپوزیشن پارٹی کے لیڈروں پر دباؤ ڈال کر ہر ریاست میں حکومتیں گرا رہی ہے۔ ’’آپریشن لوٹس‘‘ کے تحت جمہوریت کے اس قتل میں اگلا ہدف پنجاب ہے۔

چیما نے کہا، جہاں بھی بی جے پی شکست کھاتی ہے، یہ لوگ سی بی آئی، ای ڈی اور پیسے کی مدد سے ایم ایل اے کو توڑ کر اپنی حکومت بناتے ہیں۔ اس نے گوا، کرناٹک، مدھیہ پردیش، مہاراشٹرا اور اروناچل پردیش میں بھی ایسا ہی کیا۔ اب وہ پنجاب میں کر رہے ہیں۔

ایک سوال کے جواب میں انہوں نے کہا کہ پنجاب حکومت اس معاملے کی انکوائری شروع کرے گی اور اس معاملے میں قانونی کارروائی شروع کی جائے گی۔ حال ہی میں بی جے پی نے دہلی میں عام آدمی پارٹی حکومت کو گرانے کی کوشش کی، جسے دہلی کے لوگوں نے کثیر اکثریت سے منتخب کیا تھا۔ انہوں نے کہا کہ بی جے پی صرف عام آدمی پارٹی سپریمو اروند کیجریوال سے ڈرتی ہے، اس لئے ان کا مقصد کیجریوال کی وجے یاترا کو کسی بھی طرح سے روکنا ہے۔ پورے ملک میں کیجریوال کی بڑھتی ہوئی مقبولیت سے بی جے پی پریشان ہے۔ یہی وجہ ہے کہ انہوں نے دہلی کے نائب وزیر اعلی منیش سسودیا کی رہائش گاہ پر چھاپہ مارا اور عام آدمی پارٹی کے لیڈروں کو دھمکانے کے لیے گجرات میںعام آدمی پارٹی کے دفتر پر بھی چھاپہ مارا۔
کابینہ کے وزیر نے کہاکہ دہلی میں تمام کوششوں کے باوجود وہ ہمارے ایک ایم ایل اے کو بھی نہیں توڑ سکے، اب یہ لوگ اپنی دکان پنجاب لے آئے ہیں، لیکن مجھے یقین ہے کہ ان کا آپریشن لوٹس یہاں بھی گرجائے گا۔

انہوں نے کہا کہ بی جے پی کے لیڈر اور ان کے ایجنٹ ایم ایل اے کو پیشکش کر رہے ہیں کہ اگر کوئی ایم ایل اے تنہا آتا ہے تو اسے 25 کروڑ روپے ملیں گے اور اگر وہ دوسرے ایم ایل اے کو ساتھ لے کر آئے تو اسے 50 سے 70 کروڑ روپے ملیں گے۔ پنجاب کو مالی مدد نہ دینے پر سخت حملہ کرتے ہوئے وزیر خزانہ نے کہا کہ مودی حکومت پنجاب کی مالی مدد کے لیے ایک روپیہ بھی نہیں دیتی لیکن پنجاب کے اراکین اسمبلی کو خریدنے کے لیے اس کے پاس 1375 کروڑ روپے کا کالا دھن ہے۔ سنگین سوالات اٹھاتے ہوئے چیما نے کہا، یہ 1375 کروڑ کہاں سے آئے اور یہ رقم کہاں چھپی ہے۔ کیا سی بی آئی اور ای ڈی اس بڑے گھپلے کی تحقیقات کرنے کی ہمت دکھائیں گے؟

یو این آئی