Lathi Charge On Sanitation Workers بھوپندر سنگھ ہڈا نے صفائی کارکنان پر لاٹھی چارج کی مذمت کی

بھوپندر سنگھ ہڈا نے صفائی کارکنان پر لاٹھی چارج کی مذمت کرتے ہوئے کہا کہ صفائی ملازمین نے کورونا کے دور میں اپنی جان پر کھیل کر اپنی ذمہ داری پوری کی ہے اور کئی ملازمین نے اپنی ذمہ داری نبھاتے ہوئے اپنی جانیں بھی دی ہیں۔ ایسے سپاہیوں کو ان کے حقوق سے محروم کرنا جائز نہیں ہے۔ Bhupinder Singh Condemned Lathi Charge on Sanitation Workers

چنڈی گڑھ: ہریانہ میں اپوزیشن لیڈر بھوپندر سنگھ ہڈا نے جمعرات کو 19 اکتوبر سے ہڑتال کر رہے صفائی ملازمین کے مطالبات کی حمایت کرتے ہوئے حصار میں صفائی ملازمین پر لاٹھی چارج کی مذمت کی۔ انہوں نے یہاں کہا کہ ملازمین کے تمام مطالبات مکمل طور پر جائز ہیں۔ انہوں نے کہا کہ یہ ملازمین حکومت سے کوئی بھیک نہیں بلکہ اپنا حق مانگ رہے ہیں۔ Lathi Charge On Sanitation Workers

انہوں نے کہا کہ حکومت کوبلا تاخیر ان کے مطالبات تسلیم کرتے ہوئے ہڑتال ختم کرانا چاہیے تاکہ ریاست میں صفائی کے نظام کو بہتر بنایا جاسکے۔ ہڈا نے حکومت کو یاد دلایا کہ انہی ملازمین نے کورونا کے دور میں اپنی جان پر کھیل کر اپنی ذمہ داری پوری کی ہے اور کئی ملازمین نے اپنی ذمہ داری نبھاتے ہوئے اپنی جانیں بھی دی ہیں۔ انہوں نے کہا کہ ایسے سپاہیوں کو ان کے حقوق سے محروم کرنا جائز نہیں ہے۔

یواین آئی