آندھرا پردیش حکومت نے وائی ایس آر رائتو بھروسہ اسکیم کی دوسری قسط کسانوں کے کھاتوں میں جمع کر دی ہے۔
حکومت نے50.47 لاکھ کسانوں کے کھاتوں میں یہ رقم جمع کر دی ہے جس کی لاگت 1115 کروڑ اور اضافی طور پر ان پٹ سبسڈی کی لاگت 135.7 کروڑ روپئے بھی اُن کسانوں کے کھاتوں میں جمع کر دیے گئے ہیں جنہیں خریف سیزن میں بڑا نقصان ہوا۔
وزیر اعلی وائی ایس جگن موہن ریڈی نے کہا کہ وائی ایس آر رائتو بھروسہ اسکیم سے ایک لاکھ قبائلی کسان بھی استفادہ کر رہے ہیں جس کی لاگت 104 کروڑ روپئے ہے۔
اس موقع پر وزیر اعلی جگن نے وعدہ کیا کہ ربیع سیزن کے لیے حکومت مذکورہ اسکیم ایس سی، ایس ٹی، بی سی اور مائناریٹیز سے تعلق رکھنے والے کسانوں اور جنگلاتی زمین کے کاشکاروں کو بھی فراہم کرے گی۔
