نوجوان دلوں میں حب الوطنی کا جذبہ پیدا کریں: مودی

وزیر اعظم نریندر مودی نے ملک کی نوجوان نسل سے اپیل کی ہے کہ وہ پلوامہ عسکریت پسندانہ حملے میں فوجی جوانوں کی ہلاکت سے ملک کے شہریوں میں پیداہونے والے جذبات کو جاننے، سمجھنے اور زندگی میں اتارنے کی کوشش کریں۔

مودی نے ریڈیو پر 53 ویں 'من کی بات'پروگرام میں کہا کہ پلوامہ کے عسکریت پسندانہ حملے میں بہادر جوانوں کی ہلاکت کے بعد ملک بھر میں لوگوں کے دلوں میں غم و غصہ ہے۔

انہوں نے کہا'بہادر فوجیوں کی ہلاکت کے بعد، ان کے اہل خانہ کی جو متاثر کن باتیں سامنے آئی ہیں اس نے پورے ملک کے حوصلے کو اور مضبوط کیا ہے۔ بہار کے بھاگلپور کے شہید رتن ٹھاکر کے والد رام نرنجن جی نے، دکھ کی اس گھڑی میں بھی جس جذبہ اور حوصلہ کا ثبوت دیا ہے، وہ ہم سب کی حوصلہ افزائی کرتا ہے'

انہوں نے جھارکھنڈ کے وجئے سورین کی ہلاکت اور ان کے معصوم بیٹے کے جذبے کا ذکر کرتے ہوئے کہا'جب ترنگے میں لپیٹ کر وجئے سورین کی لاش جھارکھنڈ کے گملا پہنچی تو معصوم بیٹے نے یہی کہا کہ میں بھی فوج میں جاؤں گا ۔اس معصوم کا جذبہ آج بھارت کے بچے-بچے کے احساس کا اظہار ہے ۔ ایسے ہی جذبات ہمارے بہادر جوانوں کے گھر گھر میں دیکھنے کو مل رہی ہیں'

انہوں نے کہا'ہمارا ایک بھی بہادرجوان اس میں مستثنیٰ نہیں ہے، ان کا خاندان الگ نہیں ہے، خواہ وہ دیوریا کے ہلاک وجئے موریہ خاندان ہو، کانگڑا کے تلك راج کے والدین ہوں یا پھر کوٹہ کے ہیمراج کا چھ سال کا بیٹا ہو -ہلاک جوانوں کے ہر خاندان کی کہانی، تحریک اور عزم سے بھری ہوئی ہے'۔

وزیر اعظم نے حب الوطنی اور قربانی کے جذبہ کو جاننے کے لیے تاریخ کے پرانے واقعات کی طرف جانے کے بجائے ہلاک خاندانوں کے جذبے کو جاننے اور سمجھنے کی نوجوان نسل سے اپیل کی۔انہوں نے کہا'حب الوطنی کیا ہوتی ہے، قربانی اورتپسیا کیا ہوتی ہے- اس کے لیے ہمیں تاریخ کے پرانے واقعات کی طرف جانے کی ضرورت نہیں پڑے گی'۔

انہوں نے اس پروگرام کے ذریعے پلوامہ حملے کے ہلاک جوانوں کو خراج تحسین پیش کی۔