ایسا کیمرہ جسے دیکھ کر پرانے دن یاد آ گئے

کیمرے سے بلیک اینڈ وہائٹ تصویر کلک کی جاتی ہے اور کیمرے کا ٹرائی پوڈ اسی دور کا ہے، جسے لکڑی سے بنایا گیا ہے۔

آج یعنی 19 اگست کو پوری دنیا میں 'عالمی یوم فوٹوگرافی' کے طور پر منایا جاتا ہے۔

اس موقع پر ای ٹی وی بھارت کے نمائندے نے راجستھان کے دارالحکومت جے پور میں ایک ایسے شخص سے ملاقت کی جو برسوں سے فوٹوگرافی کے پیشے سے وابستہ ہیں۔

جے پور کے رہنے والے فوٹوگرافر ٹیکم چند کے پاس 'بوکس کیمرہ' نامی ایک ایسا کیمرہ ہے جو دنیا بھر میں نایاب ہے۔

جے پور کے علاوہ پوری دنیا میں کہیں بھی اس کیمرے کا استعمال نہیں ہوتا ہے۔ البتہ اس جیسے کیمرے کو محض میوزیم میں ہی دیکھا جا سکتا ہے۔ اس کیمرے کی واحد اکائی راجستھان کے جے پور میں پائی جاتی ہے۔

اس کیمرے کی خصوصیت یہ ہے کہ اس کے ذریعہ فطری اور واضح تصویر کھینچی جا سکتی ہے۔

اس کیمرے سے بلیک اینڈ وائٹ تصویر کلک کی جاتی ہے اور کیمرے کا ٹرائی پوڈ اسی دور کا ہے، جسے لکڑی سے بنایا گیا ہے۔ ایسے میں یہ کہنا درست ہو گا کہ راجستھان کے جے پور میں دنیا کا سب سے نایاب کمیرہ موجود ہے۔