خاتون کو چڑیا گھر میں سیلفی لینا مہنگا پڑا

امریکی ریاست ایری زونا کے چڑیا گھر میں خاتون کو تیندوے کے ساتھ سیلفی لینا مہنگا پڑ گیا، تیندوے نے حملہ کر کے خاتون کو زخمی کردیا۔

امریکی حکام کا کہنا ہے کہ خاتون سیلفی کے شوق میں جنگلا عبور کر کے پنجرے کے پاس گئی تو تیندوے نے اس کے بازو پر حملہ کر دیا۔ خاتون کے چلانے پر موقع پر موجود افراد نے انتظامیہ کو اطلاع دی۔

ریسکیو ذرائع کے مطابق خاتون کو ہسپتال منتقل کر دیا گیا ۔