ہم چاہتے ہیں انتخابات شفافیت کے ساتھ ہو: مفتی مکرم

ای ٹی وی بھارت کے نمائندے سے خصوصی بات چیت کے دوران پرانی دلی کی فتح پوری مسجد کے شاہی امام مفتی مکرم احمد نے کہا کہ مسلم رائے دہندگان کوشش کریں کہ ووٹوں کی تقسیم نا ہو۔

مفتی موصوف نے کہا کہ عوام ایسے امیدوار کا انتخاب کریں جو عوامی سہولیات کے کام کرے اور عوامی مفاد کے لیے کام کرے۔

انہوں نے عوام سے اپیل کی ہے کہ اچھے امیدوار کی حمایت میں سب کو متحد ہو کر ووٹ کرنا چاہیے۔

مفتی موصوف نے کہا کہ انتخابات کے پیش نظر متعدد سیاسی جماعتوں کے رہنماؤں نے ان سے رابطہ کیا۔

انہوں نے کہا کہ مسلمانوں کو الگ نہیں سمجھنا چاہیے کیوں کہ مسلمانوں نے ہمیشہ سے اس ملک کی ترقی کے لیے کششیں کی ہیں۔

دہلی میں عام آدمی پارٹی اور کانگریس کے اتحاد کے بارے میں انہوں نے کہا کہ اتحاد سے فائدہ ہوتا ہے کیوں کہ ایک ساتھ مل کر الیکشن لڑنے سے امیدواروں کی تعداد کم ہوتی ہے اور صحیح امیدوار جیت حاصل کرتا ہے۔