پانی کی شدید قلت، عوام کا احتجاج

ریاست بہار کے ضلع گیا کے متعدد علاقوں میں پانی کی قلت ہوگئی ہے، آج علی گنج اور شیو پوری کے عوام نے پانی کے مطالبے کو لے کر سڑک جام کیا۔

ریاست بہار کے ضلع گیا کے متعدد علاقوں میں پانی کی قلت ہوگئی ہے، آج علی گنج اور شیو پوری کے عوام نے پانی کے مطالبہ کو لے کر سڑک جام کیا۔

پانی کے عدم دستیابی کی وجہ سے علی گنج اور شیوپوری کے عوام نے انتظامیہ کے خلاف سخت برہمی کا اظہار کیا۔ دونوں محلے کے لوگوں نے مشترکہ طور پر سڑک جام کیا اور انتظامیہ کے خلاف جم کر نعرے بازی کی۔

جام کی وجہ سے سڑک پر گاڑیوں کی لمبی قطار لگ گئی، لیکن اس کے باوجود دوپہر ایک بجے تک مظاہرین سے ملنے انتظامیہ کی جانب سے کوئی نہیں آیا۔مظاہرین کا کہنا ہے کہ ان کے گھروں میں پینے کا پانی نہیں ہے اور اب ان کے پاس احتجاج کے علاوہ کوئی دوسرا راستہ نہیں ہے۔