وستارا کا چھ اگست سے بین الاقوامی پرواز شروع کرنے کا اعلان

ٹاٹا گروپ اور سنگاپور ایئرلائنس کی جوائنٹ وینچر والی طیارہ خدمات فراہم کرنےوالی کمپنی وستارا اگلے مہینے سے بین الاقوامی پرواز شروع کرےگی۔

کمپنی نے آج بتایا کہ اگست میں وہ دلی اور ممبئی سے سنگاپور کے لیے پرواز شروع کرےگی۔دہلی سے سنگاپور کے لیے پہلی پرواز چھ اگست کو روانہ ہوگی جو سات اگست کو وہاں سے واپس چلے گی۔

ممبئی سے سنگاپور کے لیے پہلی پرواز سات اگست کو ہوگی جو سنگاپور سے اگلے دن روانہ ہوگی۔

دونوں یومیہ پروازیں ہوں گی۔ان راستوں پر کمپنی بوئنگ 800-737این جی طیاروں کی آمدورفت کرےگی۔

دہلی-سنگاپور -دہلی راستے پر ایکونومی کلاس کا ٹکٹ 21877روپے کا اور بزنس کلاس کا 63331روپے کا ہوگا۔ممبئی-سنگاپور-ممبئی راستے پر ایکونومی کلاس کا ٹکٹ 20778روپے کا اور بزنس کلاس کا ٹکٹ 76890روپے کا ہوگا۔