خراب موسم کی وجہ نائب صدر اڑیسہ نہیں جا سکے

نائب صدر ایم وینکیا نائیڈو جمعہ کو خراب موسم کی وجہ اڑیسہ میں بولنگير کے دورے پر نہیں جا سکے۔

نائب صدر کے ذرائع کے مطابق مسٹر نائیڈو کو آج اڑیسہ کے بولنگير میں بھارت پٹرولیم کارپوریشن لمیٹڈ کے ایل پی جی بوٹلنگ پلانٹ کا افتتاح کرنے اور مقامی راجندر کالج پلاٹینم جوبلی تقریب میں حصہ لینے کے لیے جانے والے تھے، لیکن بولنگير میں خراب موسم کی وجہ سے ان ہیلی كاپٹر کو رائے پور سے پرواز کی اجازت نہیں ملی۔

مسٹر نائیڈو تقریبا تین گھنٹے تک رائے پور ہوائی اڈے پر موسم سازگار ہونے کا انتظار کرتے رہے لیکن بصارت کم ہونے کے سبب بالآخر انہوں نے بولنگير کا دورہ منسوخ کر دیا۔

بعد میں مسٹر نائیڈو نے ایک آڈيو پیغام کے ذریعے ان اہم مواقع میں شامل نہ ہونے پر اڑیسہ کے لوگوں سے افسوس کا اظہار کیا۔

انہوں نے پیغام میں کہا کہ' ایل پی جی پلانٹ کے آغاز سے 20 لاکھ خاندانوں کو فائدہ ہو گا اور عورت کی خود انحصاری کو فروغ حاصل ہوگا۔ علاقے کی خواتین کی زندگی سازگار اور صحت مند ہوگی اور وہ اپنے خاندانوں کو زیادہ وقت دے پائیں گی'۔