خبروں کے مطابق سیمی اسپیڈ سے چلنے والی وندے بھارت ایکسپریس کی دوسری خدمات دارالحکومت دہلی سے جموں و کشمیر کے کٹرا کے لیے شروع کرنے جارہی ہے۔
ذرائع کے مطابق ریلوے بورڈ نے مذکورہ ٹرین کو دہلی سے کٹرا کے لیے منظوری دے دی ہے، جبکہ ٹرائل کے لیے بھی وندے بھارت کو چلانے کی اجازت دے دی گئی ہے۔
خیال رہے کہ مذکورہ ٹرین کی رفتار فی گھنٹہ 130 کلومیٹر ہے، جو دہلی سے اپنے مقررہ مقام تک پہنچنے کے لیے صرف 8 گھنٹے لے گی۔
خبروں کے مطابق وندے بھارت ایکسپریس کی خدمات جنوری سے نئی دہلی سے شروع کی جائے گی، نئی دہلی سے صبح 6 بجے یہ ٹرین کھلے گی اور دوپہر 2 بجے شری ماتا وشودیوی کٹرا پہنچ جائے گی، یہ ٹرین اسٹیشنوں میں صرف دو منٹ کے لیے رکے گی۔
واضح رہے کہ مذکورہ روٹ کے لیے سب سے تیز رفتار چلنے والی ٹرین سمپرک کرانتی ہے، جو کہ 11 گھنٹے 40 منٹ میں اپنے سفر پوری کرتی ہے، جبکہ یہ درمیانی رفتار کی ٹرین اپنے سفر کوپورا کرنے کے لیے صرف 8 گھنٹے لے گی۔