اتراکھنڈ: پولیس کی گرفت میں آئے دو غیر ملکی ٹھگ

اتراکھنڈ پولیس نے دہرادون میں دو غیر ملکی ٹھگوں کو پکڑنے میں کامیابی حاصل کی ہے، گرفتار ٹھگ افریقی ملک نائیجیریا کے باشندے ہیں۔

دہرادون کے ایس ٹی ایف کے ڈی آئی جی ریدھم اگروال نے میڈیا سے خطاب کرتے ہوئے کہا کہ گرفتار شدہ دونوں ملزم نائیجیریا کے شہری ہیں جو اتراکھنڈ کے لوگوں کو فون کالز کے ذریعہ یورو کمانے کا لالچ دے کر ایک بڑے دھوکہ دہی کے معاملے کو انجام دے رہے تھے۔

مزید یہ کہ دونوں ملزم لاٹری، انشورنس، اور غیر ملکیوں کو تحائف بھیجنے کے لالچ میں لوگوں کو دھوکہ دے رہے تھے اور ان لوگوں فن کال کے ذریعے دہرادون سے تعلق رکھنے والے ایک شخص کے ساتھ ایک کروڑ سے زیادہ کی دھوکہ دہی کی ہے۔

پولیس نے دونوں ملزمین کے پاس سے 13 موبائل فون، 17 اے ٹی ایم کارڈ، 10 پاس بک، پانچ چیک بک، 15 سم کارڈز اور ایک لیپ ٹاپ برآمد کیا ہے۔