مرکزی وزیر نتن گڈکری کورونا سے متاثر

رواں برس کے مانسون اجلاس میں شرکت کے محض دو دنوں بعد ہی مرکزی وزیر نتن گڈکری کورونا وائرس سے متاثر ہوگئے ہیں۔

نتن گڈکری نے اس بات کی جانکاری ٹویٹ کرکے دی ہے کہ وہ کورونا وائرس سے متاثر ہوئے ہیں اور انہوں نے اس کے بعد خود قرنطینہ میں رہنے کا فیصلہ کر لیا ہے۔

انہوں نے اپنی ٹوئٹ میں لکھا ہے کہ میں کمزوری محسوس کر رہا تھا ، اس کے بعد میں نے ڈاکٹر کو دکھایا۔ علاج کے دوران ، مجھے کورونا وائرس سے متاثر ہونے کی تصدیق ہوگئی ہے۔ میری صحت آپ کی دعائوں سے ٹھیک ہے۔ میں نے خود کو قرنطینہ میں کرلیا ہے۔

مرکزی وزیر نتن گڈکری کورونا وائرس سے متاثر

گڈکری نے کہا کہ میں ان سب لوگوں سے درخواست کرتا ہوں جو میرے ساتھ رابطے میں آئے تھے اور احتیاط برتیں اور پروٹوکول پر عمل کریں۔

مودی حکومت میں شامل بہت سے وزرا کورونا وائرس سے متاثر ہوچکے ہیں۔ ان میں امیت شاہ ، دھرمیندر پردھان ، گجندر سنگھ شیخاوات وغیرہ کئی اہم رہنما کورونا وائرس سے متاثر ہوئے ہیں۔

ملک میں کورونا وائرس کی مجموعی تعداد 50 لاکھ کو عبور کرگئی۔ کورونا سے نہ صرف عام لوگ متاثر ہو رہے ہیں بلکہ سیاستدان بھی اس کے شکار ہو رہے ہیں۔