نریندر مودی یو اے ای کے اعلی شہری اعزاز سے سرفراز

وزیراعظم نریندر مودی کو بھارت اور متحدہ عرب امارات (یو اے ای) کے درمیان باہمی رشتوں کو فروغ دینے کی کوششوں کے لیے یو اے ای کے اعلی ترین شہری اعزاز آرڈر آف زید سے نوازا گیا۔

اعزاز کو حاصل کرنے کے بعد نریندر مودی نے کہا کہ یو اے ای کا سب سے بڑا شہری اعزازحاصل کرکے مجھے کافی خوشی ہوئی ہے اور میں فخر محسوس کررہا ہے۔

انہوں نے کاہ کہ یہ دونوں ممالک کے درمیان بڑھتی ہوئی شراکت داری کا مظہر ہے اور یہ اعزاز کسی ایک شہری کا نہیں بلکہ یہ بھارت کی ثقافتی روایت اور ملک کی 130 کروڑ عوام کو وقف ہے، میں اس کے لیے متحدہ عرب امارات کی حکومت کا شکریہ ادا کرتا ہوں۔

اس موقع پر دونوں ممالک کے سینیئر افسران کے علاوہ صنعتی دنیا کے نمائندے بھی موجود تھے۔

اس دوران مہاتما گاندھی کی 150 ویں سالگرہ کے موقع پر ان کی یاد میں ایک ٹکٹ بھی جاری کیا گیا۔

واضح رہے اس سے قبل یہ اعزاز سنہ 2007 میں پاکستان کے سابق صدر پرویز مشرف جبکہ سنہ 2018 میں چینی صدر شی جن پنگ کو بھی دیا جا چکا ہے۔