رامبن میں دو اسمگلر گرفتار ، 18 کیلو چرس برآمد

ریاست جموں کشمیر کے ضلع رام بن میں پولیس نے دو بیروی اسمگلروں کو گرفتار کرکے ان کے قبضہ سے 18 کلو چرس برآمد کر نے کا دعویٰ کیا ہے ۔

ڈپٹی ایس پی ہیڈکوارٹر رامبن اصغر ملک کے مطابق پولیس نے منشیات اور جرائم کی روک تھام کرنے کے لئے ایک خصوصی مہم شروع کی ہے۔ اسی مہم کے تحت ایس ایس پی رام بن انیتا شرما کی ہدایت پر انسپکٹر اجے کوتوال کی قیادت میں ایک پولیس پارٹی نے مصدقہ اطلاع پر شان پیلس کے نزدیک دو سنٹرو کاروں کو جو سرینگر سے جموں کی طرف جارہے تھے روک کر تلاشی لی۔

تلاشی لینے پر دونوں گاڑیوں سے 18 کیلو چرس برآمد ہوئی اور کار ڈرائیور محمد قاسم ساکن ممبی اور محمد کریم ساکن دھارا ممبئی مہاراشٹرا کو گرفتار کرلیا اور دونوں گاڑیوں اور چرس کو ضبط کرلیا۔ دونوں ملزمین کے خلاف نارکوٹکس ایکٹ 91 اور 8/20 کے تحت مقدمہ درج کرکے تحققیات کا آغاز کردیا گیا ہے۔