ٹرین کی زد میں آنے سے دو افراد ہلاک

مدھیہ پردیش کے ضلع ستنا کے امدرا تھانہ علاقہ میں دو افراد کی ٹرین کے زد میں آنے سے موت ہو گئی ۔

پولیس ذرائع کے مطابق گزشتہ روز گنوارا کے نزدیک ریلوے پل کے نیچے سے دو افراد کی لاشیں برآمد کی گئی ہیں ۔

اطلاع کے مطابق ریلوے پٹری پار کرتے وقت ٹرین کی زد میں آنے سے دونوں کی موت ہو گئی ہے ۔ مرنے والوں کی شناخت امت ساہو اور گودم ساہو کے طور پر ہوئی ہے ۔ مرنے والے رشتے میں چچا بھتیجا بتائے گئے ہیں ۔

پولیس نے معاملہ درج کر کے دونوں کی لاشوں کو پوسٹ مارٹم کے لئے بھیج دیا ہے ۔