کوئٹہ سول ہسپتال کے ترجمان وسیم بیگ نے بتایا کہ زخمیوں کی حالت بہتر ہے اور انہیں بہترین طبی سہولت مہیا کرائی جارہی ہے۔
پولیس ڈپٹی انسپکٹر جنرل عبدالرزاق چیمہ نے میڈیا کو بتایا کہ یہ واقعہ ملک کے جنوب مغربی صوبہ بلوچستان کے دارالحکومت کے مصروف ترین 'ایسٹرن بائی پاس روڈ' پر ہوا۔
چیمہ نے بتایا کہ دہشت گردوں نے ایک موٹر سائیکل میں دھماکہ خیز مادہ رکھ کر اس کو ایک دوا کی دکان کے باہر کھڑا کیا تھا۔
انہوں نے بتایا کہ دہشت گردوں نے اس علاقے میں کشیدگی پیدا کرنے کے لیے عام لوگوں کو نشانہ بناکر اس واردات کو انجام دیا۔
چیمہ کا کہنا ہے کہ اس علاقے میں دہشت گرد اس طرح کی وارداتوں کو انجام دیتے رہتے ہیں، ابھی کچھ روز قبل بھی کوئٹی کے سکول میں حملہ ہوا تھا جس میں متعدد سکولی بچے سمیت کئی افراد ہلاک ہو گئے تھے۔
واضح رہے کہ کہ ابھی تک کسی بھی گروپ یا شخص نے اس حملہ کی ذمہ داری نہیں لی ہے، لیکن ماضی میں اس طرح کی وارداتوں کو بلوچ نیشنلسٹ گروپ کے دہشت گرد انجام دیتے رہے ہیں۔
