ٹرمپ کا راشٹرپتی بھون میں عالیشان استقبال

امریکہ کے صدر ڈونلڈ ٹرمپ کا راشٹرپتی بھون کے احاطے میں عالیشان استقبال کیا گیا۔

ٹرمپ اور امریکہ کی خاتون اول میلانیا ٹرمپ کے راشٹرپتی بھون پہنچنے پر صدر جمہوریہ رام ناتھ کووند نے ان کا استقبال کیا۔ وزیراعظم نریندرمودی بھی اس موقع پر موجود تھے۔

مسٹر ٹرمپ کے سلامی منچ پر پہنچنے پر سب سے پہلے امریکہ کے قومی ترانے کی دھن بجائی گئی۔ اس کے بعد امریکی صدر نے تینوں افواج کی مشترکہ ٹکڑیوں کے گارڈ آف آنر کا جائزہ لیا۔

گارڈ آف آنر کی رسم کے بعد کووند نے مسٹر ٹرمپ کا تعارف وزیر دفاع راج ناتھ سنگھ اور وزیر خارجہ ایس جے شنکر سمیت مختلف مرکزی وزرا سے کرایا۔ جبکہ مسٹر ٹرمپ نے اپنے وفد کے اراکین کو مسٹرکووند اور مسٹر مودی سے ملوایا۔

اس کے بعد ٹرمپ جوڑا راج گھاٹ کے لئے روانہ ہوگیا جہاں انہوں نے مہاتما گاندھی کی سمادھی پر گلہائے عقیدت پیش کئے۔