آج کا چاند بے پناہ حیسن ہوگا

تقریباً 19 برسوں کے بعد موسم بہار کے پہلے ہی روز مغربی ممالک میں سوپر مون نظر آئےگا جو روزانہ کے مقابلے زیادہ بڑا اور چمکدار ہوگا۔ گوگل نے سوپر مون پر خاص ڈوڈل بنایا ہے۔

مغربی ممالک میں آج سے موسم بہار کی شروعات ہو رہی ہے اور آج ہی رات میں چاند روز کے مقابلے زیادہ بڑا اور چمکدار ہوگا اس پر گوگل نے خاص ڈوڈل بنایا ہے ۔

ڈوڈل میں ایک پھول کھلا ہوا نظر آ رہا ہے جو موسم بہار کے آغاز کی علامت بتایا جا رہا ہے۔

دنیا کے کئی ممالک میں موسم بہار آج سے شروع ہوا ہے جبکہ بھارت میں اس سیزن کی شروعات 10 فروری کو بسنت پنچمی سے ہی ہو گئی ہے ، اس ماہ میں مہا شیوراتری اور ہولی جیسے بڑے تہوار منائے جاتے ہیں۔ آج ہی شب میں ہولی جلائی جائے گی۔

اس کے علاوہ آج یعنی 20 مارچ کو دن اور رات دونوں برابر ہوں گے کیوں کہ آج سورج خط استواء سے گذرے گا اور تقریباً 19 برسوں کے بعد یہ پہلا موقع ہے جب موسم بہار کے پہلے ہی روز سوپر مون نظر آئے گا۔

اس کے بعد سنہ 2030 میں سوپر مون نظر آئے گا، موسم بہار کے پہلے ہی روز سوپر مون نظر آنے سے آج کا دن اور بھی زیادہ خاص ہو گیا ہے۔

واضح رہے کہ سوپر مون کے روز چاند روز کی بہ نسبت 14 فی صد بڑا اور 12 فی صد زیادہ چمکدار ہوتا ہے۔

رواں برس 21 جنوری اور 19 فروری کو بھی سوپر مون نظر آ چکا ہے۔

سوپر مون اٹلی اور روم ممالک میں آج رات 12.45 بجے نظر آئے گا۔