مودی نے گاندھی پر ای ٹی وی بھارت کی خصوصی پیشکش کی ستائش کی

وزیراعظم نریندر مودی نے ای ٹی وی بھارت کی جانب سے بابائے قوم مہاتما گاندھی کی 150 ویں یوم پیدائش کے موقع پر جاری کیے گئے بھجن کو ٹویٹ کیا ہے۔

انہوں نے اپنے ٹویٹ میں اس بھجن کی ستائش کی اور رامو جی گروپ کے چیئرمین کے اس اقدام کی ستائش کی۔

خیال رہے کہ رامو جی گروپ کے چیئرمین رامو جی راؤ نے بابائے قوم مہاتما گاندھی کی 150 ویں یوم پیدائش کے موقع پر ایک بھجن جاری کیا ہے۔ جو گاندھی جی کا پسندیدہ بھجن ہے۔

ای ٹی وی بھارت نے بابائے قوم گاندھی جی کی ڈیڑھ سویں سالگرہ کے موقع پر انھیں خراج عقیدت پیش کرنے کے لیے ان کے معروف بھجن کو ایک نئے انداز میں پیش کیا ہے۔ اس کا افتتاح رامو جی گروپ کے چیئرمین رامو جی راؤ نے کیا۔

وزیراعظم نے مہاتما گاندھی کے نغمے کو ٹویٹ کیا

ای ٹی وی بھارت نے پندرہویں صدی کے معروف گجراتی شاعر نرسینہ مہتا کے معروف بھجن سے ملک کو مربوط و متحد کرنے کا پیغام دیا ہے۔

'ویشنو جن تو، تینے رے کہیۓ، جے پیڑ پرائے جانے رے، پر دکھے اپکار کرے توئے من ابھیمان نہ آنے رے۔'

یعنی خدا سے اصل عقیدت تو یہ ہے کہ دوسروں کے آلام و مصائب کو محسوس کرکے اس سے نجات دلائے، لیکن اس کے لیے نہ تو کبھی احسان جتائے اور نہ ہی تکبر کا اظہار کرے۔