مکان مالک نے خاتون کو گھر کے اندر آنے سے روک دیا

آندھراپردیش میں کورونا کے معاملات میں اضافہ ہوتاجارہا ہے۔ ایسے وقت لوگ کورنا کے خوف سے ایک دوسرے کے ساتھ غیر انسانی سلوک کررہے ہیں۔ حال ہی میں تروپتی میں ایک کورونا سے روبہ صحت خاتون کو مکان مالک نے گھر کے اندر آنے سے روک دیا۔

چندرا کلا نامی خاتون کورونا سے مکمل طورپر روبہ صحت ہوکر گھر پہنچی تھی تاہم مکان مالک کی جانب سے اس کو اندر آنے سے روک دیاگیا جس کی وجہ سے یہ خاتون اپنی دونوں بیٹیوں کے ساتھ گھر کے باہر ہی ٹہرنے کے لئے مجبور ہوگئی۔

تروپتی کے سندریانگر میں چندراکلا اپنے شوہر اور دونوں بیٹیوں کے ساتھ گذشتہ چند برس سے مقیم ہے۔حال ہی میں وہ کورونا سے متاثر پائی گئی تھی جس کے بعد پورا خاندان الگ تھلگ کردیاگیا تھا۔14دنوں کے بعد اس خاتون کی رپورٹ منفی آئی۔