تلنگانہ کے وزیراعلیٰ کے چندرشیکھر راؤ نے کہا ہے کہ آئندہ ماہ ہونے والے قانون ساز اسمبلی کے اجلاس میں ایک قرارداد منظور کی جائے گی جس میں مرکز سے سابق وزیراعظم پی وی نرسمہا راؤ کو بھارت رتن دینے کی اپیل کی جائے گی۔
راؤ نے نرسمہا راؤ کے یوم پیدائش کی تقریبات کے موقع پر وزراء اور عہدیداروں کے ساتھ میٹنگ کی۔
انہوں نے کہا کہ 'ریاستی حکومت مرکز سے پارلیمنٹ میں سابق وزیراعظم کی تصویر لگانے اور حیدرآباد میں سنٹرل یونیورسٹی کا نام تبدیل کرنے کی بھی درخواست کرے گی'۔
ایک سرکاری رہائی میں کہا گیا ہے کہ 'یہ یونیورسٹی نرسمہا راؤ نے قائم کی تھی۔ وزیراعلی کے چندر شیکھر راؤ نے اعلان کیا کہ آئندہ مقننہ کے اجلاس میں سابق وزیراعظم پی وی نرسمہا راؤ کو بھارت رتن ایوارڈ دینے کا مطالبہ کرتے ہوئے ایک قرارداد منظور کی جائے گی'۔
ریلیز میں وزیراعلی کے حوالے سے بتایا گیا ہے کہ 'پی وی نرسمہا راؤ تلنگانہ کے وجود کی علامت ہیں۔ وہ ایک مصلح تھے جنہوں نے ملک میں متعدد اصلاحات شروع کیں۔ انہیں پوری دنیا میں ایک عظیم دانشور کی حیثیت سے پہچانا جاتا تھا۔ ہم پی وی کی عظمت اور ان کی کامیابیوں پر اسمبلی میں تبادلہ خیال کریں گے'۔
بیان میں کہا گیا ہے کہ 'وزیراعلیٰ صدر، وزیراعظم اور مختلف ریاستوں کے وزرائے اعلیٰ کو خطوط بھیجیں گے۔ انہیں ان تقریبات میں شرکت کی درخواست کریں گے۔
اس میٹنگ میں فیصلہ کیا گیا ہے کہ یونیسکو کو نرسمہا راؤ کے نام سے ادب، سائنس اور ٹکنالوجی کے شعبوں میں بھرپور تعاون کرنے والوں کو ایوارڈ دینے کی تجویز پیش کی جانی چاہئے ۔ اس کے لیے تلنگانہ ریاستی حکومت نقد انعام کا بندوبست بھی کرے گی۔
یہ بھی کہا گیا ہے کہ نرسمہا راؤ ملک کے وزیراعظم بننے سے قبل وزیر خارجہ تھے، اس دور میں کئی عالمی رہنماؤں کے ساتھ بہترین ذاتی تعلقات تھے۔ اسی سلسلے میں ان تقریبات میں سابق امریکی صدر بل کلنٹن اور سابق برطانوی وزیراعظم جان میجر کو صد سالہ تقریبات میں مدعو کرنے کا فیصلہ کیا گیا۔
اجلاس میں نئی دہلی کے تلنگانہ بھون میں نرسمہا راؤ کا مجسمہ لگانے اور مہاراشٹر، آندھراپردیش، اڈیشہ، کرناٹک اور دیگر ریاستوں میں اور بیرونی ممالک میں بھی تقریبات کا اہتمام کرنے کا فیصلہ کیا گیا۔
اعلامیے میں کہا گیا ہے کہ اس اجلاس میں نرسمہا راؤ پیدا ہونے والے گاؤں لکھنپلی اور ونگارا کو ترقی دینے کا بھی فیصلہ کیا گیا، جہاں وہ سیاحت کے لیے جایا کرتے تھے۔
حسین ساگر کے قریب نیکلیس روڈ کا بھی نام تبدیل کرنے کا فیصلہ کیا گیا، جس کا 'پی وی گیان مارگ' رکھا جائے گا اور باغات والی سڑک کو خوبصورت بنانے کا بھی فیصلہ کیا گیا۔
شہر میں نرسمہا راؤ کے لئے ایک بین الاقوامی سطح کا یادگاری مجسمہ بھی تیار کی جائے گا۔ نرسمہا راؤ کے بیٹے پی وی پربھاکر راؤ اور بیٹی وانی دیوی نے بھی اس میٹنگ میں شرکت کی۔
واضح رہے کہ ریاستی حکومت نے پہلے اعلان کیا تھا کہ نرسمہا راؤ کی صد سالہ تقریبات بڑے پیمانے پر منعقد کی جائیں گی۔
