مرکزی وزیر خارجہ سشما سوراج آج دبئی کے لیے اسلامی تعاون تنظیم کے اجلاس میں شرکت کے لیے روانہ ہوچکی ہے۔
سوراج ملک کی پہلی وزیر خارجہ ہوں گی جو اسلامی ممالک کی تنظیم او آئی سی کے اجلاس میں شامل ہوں گی اور اس کے افتتاحی اجلاس سے خطاب کریں گی۔
او آئی سی کشمیر کے سلسلہ میں اکثر پاکستان کے رویہ کی حمایت کرتی رہی ہے۔ او آئی سی کا یہ اجلاس ابوظہبی میں ہورہا ہے جس میں 61 ممالک کے نمائندے شرکت کررہے ہیں۔
ذرائع نے یہ بھی بتایا کہ اجلاس میں سوراج بھارت اور متحدہ عرب امارات کے درمیان تاریخی تعلقات کا ذکر کریں گی۔
ذرائع کا کہنا ہے کہ بھارت کے اس میں شامل ہونے کا اس سے کوئی تعلق نہیں ہے کہ آرگنائزیشن کا کوئی رکن ملک اس میں حصہ لیتا ہے یا نہیں۔
وزارت خارجہ نے گزشتہ ہفتہ ایک بیان میں اجلاس میں متحدہ عرب امارات کی طرف سے بھارت کومدعو کئے جانے کا خیر مقدم کیا تھا۔
بیان میں کہا گیا تھا کہ ہندستان اس دعوت کو دونوں ممالک کے مابین تعلقات کو مزید آگے لے جانے کی وہاں کی قیادت کی خواہش کے طورپر دیکھتا ہے۔