اے جی آر سے متعلق نئی عرضی سپریم کورٹ نے مسترد کردی

جسٹس مشرا نے کہا 'ہم پہلے سے ہی اس معاملے کی سماعت کر رہے ہیں، ہم عرضی کی سماعت کے حق میں نہیں ہیں، (عرضی) خارج'، جسٹس مشرا نے عرضی گزار سے کہا کہ وہ کیوں اس معاملے کو مزید پیچیدہ بنانا چاہتے ہیں۔

سپریم کورٹ نے ٹیلی کام کمپنیوں کی ایڈجسٹڈ گراس ریونیو (اے جی آر) کی فوری طور پر ریکوری کی ہدایت دینے سے متعلق ایک نئی عرضی مسترد کردی۔ جسٹس ارون کمار مشرا کی سربراہی والی بنچ نے انشول گپتا کی عرضی یہ کہتے ہوئے مسترد کر دی کہ وہ اس معاملے میں خود سماعت کررہی ہے ۔

جسٹس مشرا نے کہا 'ہم پہلے سے ہی اس معاملے کی سماعت کر رہے ہیں، ہم عرضی کی سماعت کے حق میں نہیں ہیں، (عرضی) خارج'، جسٹس مشرا نے عرضی گزار سے کہا کہ وہ کیوں اس معاملے کو مزید پیچیدہ بنانا چاہتے ہیں۔

انہوں نے کہا 'آپ اس طرح آئین کے آرٹیکل 32 کا غلط استعمال نہ کریں'۔

عرضی گزاروں نے اے جی آر کی فوری طور پر ریکوری کے لیے ہدایت جاری کرنے کی مانگ کی تھی، اے جی آر کے تحت ٹیلی کام کمپنیوں پاس تقریبا 90 ہزار کروڑ کا بقایا ہے، واضح رہے کہ اے جی آر سے متعلق اہم معاملے کی سماعت بھی ہونی ہے۔