مراٹھا ریزرویشن پر عبوری روک سے انکار

سپریم کورٹ نے مہاراشٹر میں مراٹھا ریزرویشن پر عبوری روک لگانے سے انکار کر دیا ہے۔

جسٹس ایل ناگیشور راؤ اور جسٹس دیپک گپتا کی بینچ نے کہا کہ 'وہ ریزرویشن پر روک کا عبوری حکم جاری نہیں کرے گی۔'

عدالت نے کہا کہ 'وہ اس معاملہ کی آخری سماعت 17 مارچ سے کرے گی لیکن اس کے بعد سماعت ملتوی کرنے کی کوئی درخواست نہیں مانی جائے گی۔'

درخواست میں کہا گیا ہے کہ اندرا ساہنی معاملہ میں آئینی بینچ کی جانب سے مقرر ریزرویشن پر 50 فیصد کے اوپری حد کی خلاف ورزی ہوئی ہے۔

مہاراشٹر حکومت نے تعلیم اور سرکاری ملازمتوں میں مراٹھا برادری کو 16 فیصد ریزرویشن دینے کا فیصلہ کیا تھا۔ اس فیصلہ کو بمبئی ہائی کورٹ میں چیلینج کیا گیا تھا جس نے درخواست مسترد کر دی تھی،اس کے خلاف عدالت عظمی میں اپیل دائر کی گئی ہے۔