یوم فوج کو ملک بھر میں سبھی آرمی ہیڈکوارٹرز میں منایا جاتا ہے، اس موقع پر فوج اور ملک کی عوام اور حکومتیں ملک کے لیے قربان ہوئے فوجی جوانوں کو خراج عقیدت پیش کرتی ہیں۔
آج صبح دہلی میں موجود نیشنل وار میموریل پر چیف آف ڈیفینس اسٹاف جنرل بپن راوت کے ساتھ تینیوں افواج کے سربراہوں نے ہلاک ہوئے فوجی جوانوں کو خراج عقیدت پیش کیا۔ وہیں آرمی چیف جنرل ایم ایم نراونے نے یوم فوج کے موقع پر مبارک باد پیش کی اور فوجی جوانوں کو خراج عقیدت پیش کی۔
یوم فوج کے موقع پر آرمی چیف جنرل ایم ایم نراونے کی مبارک باد یوم فوج کیوں منایا جاتا ہے؟
یوم فوج لیفٹینینٹ جنرل کے ایم کری اپا کی یاد میں منایا جاتا ہے، جنرل کری اپا سنہ 1949 میں برٹش کمانڈر ان چیف جنرل فرانسز بچر سے چارج لے کر بھارتی فوج کے کمانڈر ان چیف کا عہدہ سنبھالا تھا، ان کی اور فوجیوں کی یاد میں یہ دن یوم فوج کے نام سے جانا جاتا ہے۔
بھارتی فوج کو یکم اپریل سنہ 1895 میں تشکیل دیا گیا تھا، ملک کی آزادی کے بعد 15 جنوری سنہ 1949 فوج کو پہلا بھارتی کمانڈر ان چیف ملا تھا۔
لیفٹینینٹ جنرل کری اپا کون تھے؟
لیفٹینینٹ جنرل کری اپا نے سنہ 1947 میں بھارت - پاکستان کی جنگ میں حصہ لیا تھا، انہیں فیلڈ مارشل آف انڈیا کے اعزاز سے نوازا گیا ہے۔
جنرل کری اپا کرناٹک کے رہنے والے تھے اور انہوں نے تین دہائیوں تک بھارتی فوج میں اپنی خدمات انجام دی۔ بھارتی فوج کے پہلے کمانڈر ان چیف بننے سے پہلے انھوں نے آرمی کی ایسٹرن اور ویسٹرن کمانڈ کی سربراہی بھی کی۔
فیلڈ مارشل کوڈاندیرا مدپا کری اپا یوم فوج پر جشن
یوم فوج پر دہلی پریڈ گراؤنڈ میں آرمی ڈے پریڈ منعقد کی جاتی ہے، اس دوران دو افواج کے سربراہ اس پریڈ میں شریک ہو تے ہیں۔
اس بار یوم فوج کے موقع پر خاص بات یہ رہی کہ بھارت کے پہلے چیف آف ڈیفینس اسٹاف جنرل بپن راوت نے بھی پریڈ میں شرکت کی، جنرل بپن راوت نے 31 دسمبر سنہ 2019 کو سی ڈی ایس کا عہدہ سنبھالا ہے۔
یوم فوج کے موقع پر آرمی چیف جوانوں، بیٹیلینز کو گیلنٹری اوارڈ سے نوازتے ہیں، اس بار 15 فوجی جوانوں اور 18 بیٹیلنز کو گلینٹری آوارڈ دیا گیا ہے۔
تقریب کے ایک حصے کے طور پر آرمی چیف راجاجی مارگ پر واقع انکی سرکاری رہائش گاہ پر روایتی استقبال کی میزبانی کی جاتی ہے۔ اس تقریب میں صدر ، وزیر اعظم ، کابینہ کے وزراء ، مسلح افواج کے اعلی افسران ، سابق فوجی سربراہان شریک ہوتے ہیں۔
