بی جے پی کے ترجمان شاہنواز حسین کی ای ٹی وی بھارت سے خصوصی بات چیت

انہوں نے مزید کہا کہ جو لوگ سیاسی فائدہ اٹھانا چاہتے ہیں وہ ناکام کوشش کر رہے ہیں۔ اور سنہ 2020 میں بھی انہیں بہار میں دوبارہ کامیابی ملے گی۔

نریندر مودی حکومت کا نظریہ صاف ہے، ان کا نعرہ سب کا ساتھ، سب کا وکاس اور سب کا وشواس کسی خاص طبقہ کے لیے نہیں بلکہ بھارت کے ہر طبقے سے تعلق رکھنے والوں کے لیے ہے۔

بھارت ترقی کر رہا ہے تو کسی ایک طبقہ سے نہیں بلکہ اس میں ہر ایک بھارتی کا اہم کردار ہے۔ مذکورہ باتیں بے جے پی کے قومی ترجمان سید شاہنواز حسین نے ای ٹی وی بھارت سے خصوصی بات چیت کے دوران کہی۔

انہوں نے کہا کہ کشمیر سے دفعہ 370 کی منسوخی کے بعد مخالف پارٹیز نے واویلا مچایا ہوا ہے۔گزشتہ ایک مہینے میں وہاں ایک بھی تشدد کے واقعات پیش نہیں آئے ہیں۔

بی جے پی حکومت مکمل طور پر کشمیر اور کشمیریوں کی حفاظت کے لیے پابند ہے۔

انہوں نے مزید کہا کہ جو لوگ سیاسی فائدہ اٹھانا چاہتے ہیں وہ ناکام کوشش کر رہے ہیں۔ اور سنہ 2020 میں بھی انہیں بہار میں دوبارہ کامیابی ملے گی۔

سیمانچل کی بدحالی کے حوالے سے شاہنواز حسین نے کہا کہ نتیش حکومت بہار کے تمام اضلاع میں بہتر کام کر رہی ہے، سیمانچل کی ترقی کے لئے بھی متعدد منصوبے ہیں جسے زمین پر اتارا جائے گا۔