'اسپورٹس اسٹیڈٰم کے افسران بدعنوانی میں ملوث'

ریاست اترپردیش کے شہر رامپور میں قائم شہید اعظم اسپورٹس اسٹیڈیم کے آفیسر کی بدعنوانی و زیادتیوں کا معاملہ سامنے آیا ہے۔

کھیل کی تربیت حاصل کرنے آنے والے بچوں سے کھیل کی فیس کے نام پر ناجائز رقم وصول کرنے کا معاملہ بھی سامنے آیا ہے۔ ساتھ ہی ایک بچے کی جانب سے اس کی مزاحمت کرنے پر اس افسر نے بچے کی پٹائی بھی کر دی۔

رامپور میں واقع شہید عظم اسپورٹس اسٹیڈیم میں اس وقت بدعنوانی کا کھیل جاری ہے۔ جہاں کھیل کی تربیت دینے کے نام پر بچوں سے ناجائز فیس وصولی کی جا رہی ہے۔ یہاں تک کہ وہاں تربیت حاصل کرنے والا محمد معز نام کا ایک 12 سالہ بچہ اپنے اوپر ہوئے ظلم کی شکایت کرنے کلیکٹریٹ پہنچا تو وہاں اس کی نگاہ ای ٹی وی بھارت کے کیمرے پر بھی پڑی اور پھر اس نے ہمارے نزدیک آکر اپنی ساری داستان کہہ ڈالی۔

اس پورے معاملے پر گولڈن کرکٹ کلب کے کوچ شاہنواز خان رانا کا کہنا ہے کہ شہید آعظم اسٹیڈیم کے افسر نوین کمار بچوں اور دیگر کھلاڑیوں سے ناجائز وصولی کر رہے ہیں۔ ساتھ ہی بچوں کو اسٹیڈیم میں کسی بھی طرح کی کوئی سہولیات بھی نہیں دی جا رہی ہیں۔ انہوں نے کہا کہ اگر یہی صورتحال رہی تو پھر آئندہ ہمارے ضلع کے نوجوانوں کے لئے اپنی صلاحیتوں کو نکھانا مشکل ہو جائے گا۔

میدان میں جگہ جگہ گڑھے ہیں، کرکٹ کی پچ پر جو میٹ ہے وہ بھی بری طرح پھٹ چکی ہے۔ جس سے آئے دن کھلاڑی اس میں پھنس گر جاتے ہیں اورجس سے ہو جاتے ہیں۔

اس کے باوجود نوجوان سے ماہانہ فیس کے علاوہ اتوار و دیگر چھٹیوں کی الگ سے فیس لی جاتی ہے جس کی انہیں رسید بھی نہیں دی جاتی۔

رامپو ضلع کے اسپورٹس آفیسر نوین کمار کی منمانیوں سے صرف یہاں تربیت حاصل کرنے والے کھلاڑی ہی ناخوش نہیں ہیں بلکہ یہاں کے دیگر ملازمین بھی کافی پریشان ہیں۔ ان کو یہاں ہراساں کئے جانے کے ساتھ ساتھ انہیں وقت پر تنخواہ بھی نہیں دی جاتی ہے

ایسے میں ان نوجوانوں کو اس قسم کے بدعنوان افسران کی سرپرستی ان کا مستقبل سنورنے کے بجائے بگڑنے کے دہانے پر ہے