سنتوش جھا بیلجیم میں بھارت کے سفیر مقرر

سنتوش جھا اس وقت جمہوریہ ازبکستان میں بھارت کے سفیر ہیں۔ ان کو بیلجیم میں بھارت کا اگلا سفیر مقرر کیا گیا ہے۔

سنہ 1993 بیچ کے آئی ایف ایس آفیسر کو یوروپی یونین میں بھارت کے سفیر کی حیثیت سے بھی تسلیم کیا جائے گا۔ وزارت خارجہ امور (ایم ای اے) نے کہا کہ توقع کی جا رہی ہے کہ وہ جلد ہی اپنے خدمات انجام دے گے۔

سنتوش جھا 25 جولائی، 2019 کو ازبکستان میں بھارت کے سفیر کی حیثیت سے ذمہ داری سنبھالنے کے لئے تاشقند پہنچے۔

جھا نے نئی دہلی میں ایم ای اے اور بھارت مشن سمیت ماسکو، ولادیووستوک، نیو یارک ، برسلز اور کولمبو میں مختلف صلاحیتوں میں خدمات انجام دی ہیں۔

واضح رہے کہ ولادیووستوک میں وہ 1998-2000 کے دوران بھارت کے قونصل جنرل رہے۔

سنہ 2004-2007 کے درمیان ایم ای اے میں امریکن ڈویژن میں خدمات انجام دے رہے تھے، جھا بھارت امریکہ جوہری معاہدے کے لئے بات چیت کرنے والی ٹیم کے ممبر تھے اور وہ خلائی، دفاعی اور اعلی ٹیکنالوجی کے میدان میں بھارت - امریکہ تعلقات کی ترقی کے ساتھ قریب سے وابستہ تھے۔