سمجھوتہ دھماکے کے ملزم کو بنایا گیا مہمان خصوصی

قومی کونسل برائے فروغ زبان اردو کے مجوزہ بین الاقوامی اردو کانفرنس سمجھوتہ بم دھماکہ کے کلیدی ملزم رہے اندریش کمار کو مہمان خصوصی کے طور پر مدعو کیا گیا ہے۔

ایسا پہلی بار ہو رہا ہے جب اردو کونسل کے کسی پروگرام میں سنگھ کے کسی لیڈر کو کھلے طور پر مدعو کیا جا رہا ہے۔

اردو کونسل کے ڈائرکٹر شیخ عقیل احمد نے بتایا کہ دہلی میں 18 سے 20 مارچ تک بین الاقوامی کانفرنس منعقد ہوگا، جس میں ملک و بیرون سے اردو کے ادباء شریک ہوں گے۔

انہوں نے بتایا کہ کانفرنس میں مہمان خصوصی کے طور پر وزیر تعلیم پرکاش جاویڈکر، سمجھوتہ بم دھماکے کے کلیدی ملزم اندریش کمار اور ڈاکٹر تقی عابدی شامل ہوں گے۔

اندریش کمار کی متنازع شخصیت کے تعلق سے پوچھے گئے ایک سوال پر شیخ عقیل احمد نے صفائی دیتے ہوئے کہا کہ اندریش کمار مسلمانوں کے رہنما ہیں، کیونکہ وہ مسلمان راشٹریہ منچ نام سے ایک تنظیم چلاتے ہیں جس میں 9 لاکھ مسلم ممبران ہیں۔

شیخ عقیل نے اندریش کمار کو مسلمانوں کا رہنما بتاتے ہوئے کہا کہ کانفرنس میں انہیں مہمان خصوصی کے طور پر شامل کیے جانے پر سوال نہیں کھڑے کیے جانے چاہیے۔