روس، 'میک ان انڈیا' پروگرام میں فعال کردار ادا کرے گا

روسی وزیر دفاع نے کہا کہ روسی دفاعی صنعت بھارت کی وزارت دفاع اور دفاعی صنعت کے اشتراک سے میک ان انڈیا پروگرام میں فعال کردار ادا کرنے کے لیے پرعزم ہے۔

روس نے کہا ہے کہ وہ بھارتی وزارت دفاع اور دفاعی صنعت کے اشتراک سے بھارت میں 'میک ان انڈیا' پروگرام میں فعال کردار ادا کرنے کے لئے پرعزم ہے۔ اور اسی سلسلے میں اے کے 203 رائفل بنانے کے لیے دونوں ممالک کے مابین مشترکہ منصوبے کے قیام پر جلد ہی ایک معاہدہ طے پا جائے گا۔

وزیر دفاع راجناتھ سنگھ جو روس کے تین روزہ دورے پر ہیں، نے آج اپنے روسی ہم منصب جنرل سرگئی شوئیگو سے مختلف معاملات پر دو طرفہ ملاقات کی۔

ایک گھنٹہ جاری رہنے والی اس میٹنگ میں دونوں فریقین کے درمیان مختلف شعبوں میں تعاون پر تفصیلی تبادلہ خیال کیا گیا

تقریبا ایک گھنٹہ جاری رہنے والی اس میٹنگ میں دونوں فریق کے درمیان مختلف شعبوں میں تعاون پر تفصیلی تبادلہ خیال کیا گیا۔ مسٹر سنگھ شنگھائی تعاون تنظیم کے ممبر ممالک کے وزرائے دفاع کے اجلاس میں بھی شریک ہوں گے۔

دونوں ملکوں نے بھارت میں اے کے 203 جدید ترین رائفل تیار کرنے کے لیے جوائنٹ وینچر سے متعلق مشترکہ منصوبے سے متعلق جاری پیشرفت پر خوشی کا اظہار کیا اور اس کے کامیابی کے ساتھ اختتام تک پہنچنے کے امکانات پر بھی اپنے عزم کا اظہار کیا۔

اس رائفل کو پیدل فوج کے لیے انتہائی نفیس ہتھیار کے طور پر دیکھا جاتا ہے۔ اس مشترکہ منصوبے کو میک ان انڈیا پروگرام میں روس کی شرکت کے لیے بہت ہی مثبت سمجھا جارہا ہے۔

مسٹر سنگھ شنگھائی تعاون تنظیم کے ممبر ممالک کے وزرائے دفاع کے اجلاس میں بھی شریک ہوں گے

بات چیت کے دوران روسی وزیر دفاع نے کہا کہ روسی دفاعی صنعت بھارت کی وزارت دفاع اور دفاعی صنعت کے اشتراک سے میک ان انڈیا پروگرام میں فعال کردار ادا کرنے کے لیے پرعزم ہے۔ اس کے علاوہ روس اگلے سال فروری میں ہونے والے ایرو انڈیا شو میں بھی حصہ لے گا۔

مسٹر سنگھ نے جنرل شوئیگو کو تکنیکی اور فوجی تعاون سے متعلق بین سرکار کمیشن کے اجلاس میں شرکت کے لیے رواں سال کے آخر میں بھارت آنے کی دعوت بھی دی۔

بات چیت کے دوران یہ بھی ذکر کیا گیا ہے کہ دونوں ممالک کی بحریہ اگلے دو دن میں خلیج ملکا میں 'بحری مشق' میں حصہ لیں گے۔

روسی وزیر دفاع نے کہا کہ روسی دفاعی صنعت بھارت کی وزارت دفاع اور دفاعی صنعت کے اشتراک سے میک ان انڈیا پروگرام میں فعال کردار ادا کرنے کے لیے پرعزم ہے

مسٹر سنگھ نے کہا کہ اس طرز عمل کی وجہ سے بحر ہند کے خطے میں سمندری تحفظ میں دونوں ممالک کی مشترکہ دلچسپی ہے۔

ساتھ ہی اس سے یہ بھی ظاہر ہوتا ہے کہ علاقائی اور بین الاقوامی سطح پر امن و سلامتی کے بارے میں دونوں ممالک کے رویے میں مماثلت ہے اور اسٹریٹجک شراکت دار کی حیثیت سے ان کے مابین باہمی اعتماد اور بھروسہ ہے۔

مسٹر سنگھ نے بھارت کی دفاعی اور سلامتی کی ضروریات کے لیے روس کی مسلسل حمایت کی بھی تعریف کی۔

انہوں نے کہا کہ روس کچھ خاص ہتھیاروں کے لیے مسلسل مدد کر رہا ہے جس کے لیے بھارت اظہار تشکر کرتا ہے۔

وزیر دفاع کے ساتھ سیکریٹری دفاع اور متعدد دیگر اعلیٰ عہدیدار بھی ماسکو کا دورہ کر رہے ہیں۔