ضرورتمندوں لوگوں کی مدد کے لیے موبائیل ایپ

راشٹریہ سویم سیوک سنگھ (آر ایس ایس) سے وابستہ 'سیوا بھارتی' کی جانب سے موبائل اپلیکیشن لانچ کیا گیا ہے جس کی مدد سے غریب اور ضرورت مند افراد کو راشن و ضروری سامان مہیا کیا جائے گا۔

کورونا وائرس کے پیش نظر ملک بھر میں لاک ڈاؤن نافذ ہے، اس دوران مختلف غیر سرکاری تنظیمیں اور کاروباری ادارے لوگوں کی مدد کے لیے آگے آرہے ہیں۔

راشٹریہ سویم سیوک سنگھ (آر ایس ایس) نے بھی لوگوں کے مدد کے لیے ہاتھ آگے بڑھایا اور اس سے وابستہ 'سیوا بھارتی' کی جانب سے موبائل ایپلیکیشن لانچ کیا گیا ہے، اس ایپ کا نام 'اُتکرش ایپ' ہے۔

ایپ کے ذریعے ان سبھی لوگوں کی مدد کی جائے گی، جو لاک ڈاؤن میں کھانا اور ضروری سامان کو ترس رہے ہیں، حالانکہ یہ ایپ دہلی تک ہی محدود ہے، یعنی اس ایپ کے ذریعے ابھی صرف دہلی میں ہی لوگوں کی مدد کی جائے گی۔

اگر کسی کو راشن کی ضرورت ہے تو اسے 'ہیلپ' بٹن کو دبانا ہے، اس کے بعد جہاں وہ شخص رہائش پذیر ہوگا، وہاں کے آر ایس ایس کارکن کی جانب سے اسے راشن مہیا کیا جائے گا۔

اس کے علاوہ اس اپلیکیشن میں 'بلڈ بینک' کے بارے میں معلومات اور لاک ڈاؤن کی گائڈ لائنز بھی دی گئی ہیں۔

واضح رہے کہ اکثر بیرون ریاست سے طلباء پڑھائی کے سلسلے میں دہلی آتے ہیں، اور اس لاک ڈاؤن کے دوران وہ بھی مدد کے طلبگار ہیں اس لیے سیوا بھارتی کی جانب سے طلباء کی بھی مدد کی جائے گی۔