سڑک حادثے میں چار موٹر سائیکل سوار ہلاک

پولیس اہلکار موقع پر پہنچے اور لاشوں کو پوسٹ مارٹم کے لیے ضلع ہیڈ کوارٹر اسپتال بھیج دیا ہے۔

تمل ناڈو کے ضلع ایروڈ میں جمعرات کے روز ریاستی ٹرانسپورٹ کارپوریشن کی بس نے لکا پورم گاؤں کے نزدیک دو موٹرسائیکلوں کو ٹکر ماردی جس میں ایک ہی خاندان کے چار افراد کی موقع پر ہی موت ہوگئی، ان میں دو خواتین بھی تھیں۔

پولس ہیڈ کوارٹر کو موصولہ رپورٹ کے مطابق یہ افراد شادی کے پروگرام میں حصہ لینے کے بعد دو موٹرسائیکلوں پر گھر لوٹ رہے تھے، راستے میں سیواگیری سے ایروڈ جانے والی بس نے مخالف سمت سے آنے والی دونوں موٹرسائیکلوں کو ٹکر مار دی۔

ضلع پولس نے بتایا کہ بس تیزرفتاری سے آرہی تھی اور دونوں موٹرسائیکلیں اس کے سامنے والے پہیے کے نیچے آ گئیں اور اس کے بعد بس دیوار سے ٹکرا گئی، اس حادثے میں بس کے دو مسافروں کو بھی چوٹیں آئی ہيں۔

پولس اہلکار موقع پرپہنچ گئے اور لاشوں کو پوسٹ مارٹم کے لیے ضلع ہیڈ کوارٹر اسپتال بھیج دیا ہے۔