ضلع انتظامیہ اس معاملے میں چوکنا ہے چوروں کو پکڑنے کے لئے لگاتار چھاپہ ماری بھی کر رہی ہے مگر چور کے حوصلے اتنے بلند ہیں ان پر ہو رہی کارروائی سے ان پر کوئی اثر نہیں ہو رہا ہے۔
اسی ضمن میں تازہ معاملہ شہر کے چاندنی چوک واقع اوما ٹاکج سے متصل شتیندر ناتھ شرن کے کیمپس کا ہے جہاں چوروں نے رات کے حصے میں منصوبہ طریقہ سے دیوار کاٹ کر جنرل اسٹور سے روپے اور سامان اڑا لے گئے، واقعہ کی خبر دکاندار کو صبح میں ہوئی۔
دکاندار اجے پرساد گپتا نے اس بابت نگر تھانہ میں ایک عرضی دے کر معاملہ درج کرایا ہے جس میں دکان سے نقد تیس ہزار روپے، پچاس ہزار کا ڈرائی فروٹ، بسکٹ، چاکلیٹ سمیت دیگر سامان کے چوری ہونے کی بات کہی ہے۔
اطلاع ملتے ہی نگر تھانہ پولس نے جائے وقوع کا جائزہ لیا اور دکاندار سے ضروری پوچھ تاچھ کی. وہیں دکاندار دیپ گپتا نے کہا کہ شہر میں آئے دن اس طرح کے واقعات کثرت سے پیش آ رہے ہیں مگر انتظامیہ کا خوف ان چوروں پر ذرا سا بھی نہیں ہے۔
